西貢咸田灣露營遊記（上）
Added 2021-06-11 16:41:06 +0000 UTC其實最近幾個月養成左一個好健康嘅習慣，就係行山。
最近幾次就搵到一個叫做一潭四灣─赤徑嘅行山路線。
一潭四灣係邊度嚟？
其實就係西貢市中心出發搭村巴去到西灣亭，之後就行山行到去西灣（第一灣）前就有個一潭（雙鹿石澗）可以行，再順序可以去到另外三個灣：咸田灣、大灣同東灣，最後就折返由大灣出發行到去赤徑，搭船返黃石碼頭再返西貢，路程大約十二、三公里，需時4小時～6,7小時（可能會玩下水）。
我哋第一次去嘅時候，發現四灣都超靚，啲水好清，環境好chill😚
西灣比較多人少少，啲水非常清，有好多海草，遠望可以睇到唔少小島，我哋逗留左一陣就爬咗去鹹田灣。
鹹田灣就一個好假日feel嘅地方，有士多，有補給點，可以望住個海景食飯，而且個沙灘水清沙幼，又有啲人喺嗰度露營，我哋係士多食左個星米就再出發。
然後喺鹹田灣爬山爬咗去大灣，大灣嗰度就比較少人，而且嗰度亦都係啲水清沙幼，非常大風大浪，環境幽靜；喺大灣區玩咗一陣水之後，我哋就出發去東灣。
行去東灣嘅路線比較崎嶇，需要手腳並用，而且都有少少危險性，所以去東灣都需要返有少少技巧㗎。但係東灣啲水都真係超級靚超級清，一樣水清沙幼，海天一色...而且行去東灣嘅路線其實都好好玩，亦有有心行山人士留左條繩比大家用😂但真係愈遠愈大風大浪，對於唔識游水嘅我其實覺得有啲驚😂😂😂😂
(待續🤣）
Comments
留名等後續
2021-06-18 13:10:26 +0000 UTC好喇比你吸引到睇字😂
Ke Lao
2021-06-12 15:11:25 +0000 UTC
