NokiMo
gracekirara
gracekirara

patreon


【日常更新】Grace又砌緊咩

最近終於都睇晒新世紀福音戰士動畫,之前一直都係淨係睇過漫畫,從來都冇睇過動畫(・Д・)ノ

發現原來要睇晒動畫先知道新世紀福音戰士有幾正

之前睇漫畫嘅時候雖然都覺得呢一套作品好好睇,但係睇完動畫之後覺得個感覺更加昇華左

我最鍾意初號機,因為我好鍾意初號機會暴走,原因唔講驚劇透左未睇嘅朋友仔😂😂

而且初號機都真係好有型,佢嘅配色好特別,紫色加螢光綠色。其實真係好少有~
如果喺街上見到紫色配螢光綠色,我諗大家應該都會即時諗起初號機(就算你冇睇過新世紀福音戰士都好)

所以我就買咗一部初號機嘅RG返屋企砌,希望今個月可以砌得晒啦!

其實我嘅工作量同功課都好多😆😆所以成日都開夜車哈哈

最近亦都其實有收藏咗好多書,慢慢睇緊,得閒再同大家分享吓我睇緊啲咩書啦

另外都想問吓其實大家有冇睇書嘅習慣呢?

因為我覺得睇書真係可以學到好多好多嘢,豐富左自己嘅內涵XDD學識咗好多平時唔會學到嘅嘢

大家又要睇開啲咩書呢?不妨可以留言話俾我聽^_^



【日常更新】Grace又砌緊咩 【日常更新】Grace又砌緊咩 【日常更新】Grace又砌緊咩 【日常更新】Grace又砌緊咩

Comments

戀愛心理學以前去書展買的~ XD 當時完全冇計劃要買呢類型嘅書,係意外嘅收穫~ XD

Lau Ching Lam

紙模型我通常係信和見到,不過淘寶真心多款好多!

多謝GRACE推薦「是邏輯還是鬼扯?」,睇左頭幾頁,反思到好多時我地做野都用一個好主觀的角度睇成件事,用一個真實而暫定的知識代入左件事,舉個例 1a + 1b = 2,第一次個結果係2,變左以後做野個時1a + 1b 自動地成為了2,但係現實世界中存在不同變數 a可以 = 3,b 可以 = 4 ,結果可以係唔同。有時做野失敗唔一定係自己錯,可能係經驗不足唔識控制變數,了解失敗的原因可能比負碌一Take Pass更能理解整個事件。

口語化幾好呀,好易明又易feel到你個心情~

Lau Ching Lam

戀愛心理學有看過,其他的沒有~估唔到你都有睇呢個~ XD

Lau Ching Lam

Apple 應該好憎我!次次執筆忘字想用語音輸入,永遠出啲唔係我想要嘅字,所以好少用

我都好多書睇,成日見到好多自己啱睇嘅書睇咗幾頁覺得好睇就會買。但係好多時都冇時間睇,所以我而家開始整理緊一個時間表,等我可以衡量我嘅工作,學業,睇書,同埋興趣。

如果係心理學嘅書我都有睇過啲嘅,你有冇睇過色彩心理學,戀愛心理學,行為心理學,嗰個系列嘅書呢?個封面有隻馬騮嗰個

其實我都好鍾意動畫描述果種親子關係,尤其是好鍾意初號機會為咗真嗣暴走

我都覺得其實動畫係好睇啲,遲啲我都打算睇埋劇場版!

話說我最近復嘅message可能會有啲奇怪,因為最近學識咗用語音輸入法

我都覺得好正,佢哋勁似情侶Xd

同埋最近都買咗啲微生物學書,同埋有少少植物學嘅書咁啦。其實都買咗好多書但仲未開始睇晒,希望遲啲可以多啲時間睇書啦,因為我好鍾意睇書

我最近睇緊一本書叫做「是邏輯還是鬼扯?」,另外我最近都睇緊好多關於化學嘅書

如果講起小手作嘅話,我最近鍾意整紙模,但其實好少子模型可以喺香港買到。所以我而家玩嘅紙模型多數都係好耐之前喺淘寶買嘅

好犀利呀!我都鍾意整羊毛氈,之前有整過狗狗同貓貓、不過都唔見晒

一講睇書, 就諗起自己幾年啲書債,呢幾年好多時懶, 開Netflix, YouTube睇動漫都唔還書債, 再唔係就做日文功課/預備日能試(其實都係藉口)對上一本已經係朋友出o既散文, 最近突然醒起自己份新工係觀塘, 又坐巴士放工, 其實係可以還書債

有睇心理學、九型人格嘅書,然後因為自己讀物理學,所以會睇物理學嘅書~ 輕小說嘅話有追在地下城尋求邂逅是否搞錯了嗎~鐘意呢套係因為主角同自己好似,會搵到各種自己嘅影子然後產生共鳴~呢套動畫化咗都好好睇!!!

Lau Ching Lam

Eva喔……嗯。 個人認為TV板較漫畫板板好。最理想的食用次序也是先看TV板再看漫畫;理由是漫畫板會把大部分設定上的謎底揭開,而TV板則是到最終話仍然留下大量的思考和想像空間。個人較喜歡後者的留白處理。另外角色的描繪也有不同;TV板的角色陰暗面恰到好處,最有血肉;漫畫板則欠了那種深度。再說白些,二部作品的基本定位其實都不同的;TV的主題是探索自我價值、親子關係,理念較嚴肅;漫畫板則單純得多,只是說一個傳奇救世類型的故事罷了。(順帶一題新劇場板角色的自我認同和積極性較強,女角猶甚,庵野老頭為推陳出新真是六壬都扭盡了)

真嗣同埋渚薰好正ww

EVA的 Matisse字體,我真係好鍾意。黑底白字的標誌性字體,來自香港字體設計師Francis Chow的手筆。 最近想學下羊毛氈整公仔,買左 1. 芝千世可愛貓咪玩偶替.換服飾小物手藝集 2. 萌可亂真 創作自己的羊毛氈貓咪 3. 貓毛氈手作雜貨 希望成品👍👍 Grace你睇緊咩科普哲學書?

推理小說來的,但無惡人,無謀殺,無警察既推理小說,可以輕鬆看😀。好少女仔會鍾意真嗣同美里,以為會鍾意零波麗比較多

係散文集? 我最近睇係科普書同哲學書😝

我鐘意真嗣同美里!!

少點開夜車吧,才能得到足夠休息。咁福音戰士鍾意邊個角色🤔,我就睇開 東野圭吾 多,推薦佢既 解憂雜貨店🤗


Related Creators