emiliawyk

泳裝搶先看🤎多圖🤍 在沒Wi-Fi的荒島中過了5天😀 一邊露出一邊喊😟

Added 2025-12-02 14:31:41 +0000 UTC

今日啱啱喺布吉返香港，咁就過咗八日🙂 之前同會員寶寶們都分享過，我呢半年讀緊一個森林治療課程，而今次嘅行程係課程之一，同20多位來自世界各地嘅學員、導師一齊喺荒島上面學習、修練。

25號抵達曼谷， 26號出發去荒島，轉完車又轉船，淨係舟車勞頓都用咗半日。荒島可以話與世隔絕，基本上大大的全個島只有兩個位置可以好好地收到網絡，住嘅屋都係冇網絡嘅，而我哋全日大部份時間都係喺其他地方學習，夜晚就返房瞓覺。點知， 26號就發生咗大埔火災，當時大概夜晚八九點左右，我哋先啱啱整頓好，然後喺房間裏面有微弱嘅訊號收到少許消息（新聞app彈出嚟嘅文字），圖片影片因為網絡問題全部load唔到。

由於網絡問題，我接收到嘅資訊有限，但都從有限嘅文字感受到事件嘅嚴重性同埋絕望🥲 當晚凌晨又扎醒咗，又睇到少許新聞，當時死傷人數應該已經增加到40人左右，多人失蹤，場火仲不斷不斷燒緊，即場喊咗出嚟🥲 但冇計，消息又唔係好通，只能繼續瞓覺準備聽日..

喺荒島嘅五日，我一有時間就搵Wi-Fi，跟進香港嘅消息🥲 其實成件事係好切割嘅：一方面我認識緊一大班新朋友、喺一個世外桃源學習緊心靈療癒、同自然相處，有自己嘅時間可以欣賞美景、滑浪、游水、獨木舟、同島上嘅動物相處；另一方面，睇到香港嘅新聞，個心真係冇辦法唔痛。所以幾日嘅行程，我係處於又放鬆、又感恩、然後又隨時喊得出嘅狀態，啱啱同一大班好好嘅新朋友相處完，喺海邊望住平靜嘅海浪，食住pizza飲住椰青，一邊喺度落淚🥲 然後又會諗住要搵啲位影露出，顧及返我嘅黃色事業，然後亦都真係影咗好多（今個星期內會更新）😅🥲 成個人好似精神分裂咁🙂

好在，今次帶領嘅兩個導師，有其中一位係香港人，另外20幾個參加者中，都有幾位香港人，某程度上都可以分擔到一啲悲痛，雖然我哋冇好深入咁討論呢個悲劇，但交代咗一兩句，有啲心情大家都明白。

今日一落機，我就即刻上咗去大埔嘅巴士，去到現場悼念🙂 望住幾幢熏黑嘅大樓、前面嘅白花，眼淚真係停唔到不斷流🙂🥲

呢件事提醒咗我哋人生嘅無常、命運嘅殘忍😞 我會想像自己遇到同樣嘅情況，假設我係罹難嘅人、或者死者嘅親屬，嗰種嘅痛會係點？嗰種嘅驚恐、無助😔 作為人真係好難唔感到悲傷😔 普普通通、勤勤懇懇嘅市民，點解要被咁淒慘嘅命運折磨😞

今日一過緊隧道準備入大埔，我已經開始頭痛、反胃，到而家都覺得個頭好脹、條氣唔係好順。我唔知係我個人體質敏感，定係太悲傷，定係附近真係太多負能量，定係火災之後仲有好多有害物質彌漫喺空氣之中。總之我真係覺得好唔舒服😣🙂‍↕️ 我一個普通嘅香港人、局外人，沒有直接嘅朋友或親屬受影響，都已經咁難受，何況係災民、失去親人嘅人？😔

Anyways，感謝大家喺度聽我嘅心聲😔 上面嗰套比堅尼我可能過多一兩日先喺IG發放，至於露出、大尺度嘅相，呢一兩星期會喺patreon呢度更新，感謝大家支持，希望大家都繼續保重，有啲咩互相撐住🥺🤍