男友坐牢後⛓️我有過幾多條仔?😆第七篇: 幫人教仔
Added 2025-11-13 10:03:15 +0000 UTC⛓️ 按此重溫第一篇：恐怖情人⛓️
⛓️ 按此重溫第二篇：難兄難弟⛓️
⛓️ 按此重溫第三篇：自我強姦⛓️
⛓️ 按此重溫第四篇：兩日三個⛓️
⛓️ 按此重溫第五篇：修心養性⛓️
⛓️ 按此重溫第六篇 : 性病檢查 ⛓️
上集提到，我越嚟越嫌棄一齊咗2年左右嘅P先生🙂↕️ 去到一個位，佢只係存在我已經會覺得有啲乞人憎🙂↕️ 「復合後一分鐘便有後悔聲音」🙂↕️ 2023年11月尾我提過分手，但因為不捨幾日就復合，復合後其實已經即刻後悔，覺得自己太感情用事😥 明知唔適合、感情只會越嚟越消耗，都要夾硬拖落去，根本唔明智😀
以前，我會特登出去中環接佢放工，之後call車同佢返我屋企，返到我屋企我會幫佢按摩。會係咁買幾千、甚至過萬嘅奢侈品比佢裝身。而分手前嗰半年，雖然我仍然係同佢相敬如賓，但我已經冇再做呢啲出自喜歡嘅行為，因為真係做唔出。
2024年中，由於靠近佢生日，我出於同理心又唔想臨近佢生日先分手，於是同佢去埋個生日旅行+食fine dining，旅行AA，餐飯$6000左右我請，仲送咗一條金鏈俾佢。提供呢啲背景資料，純粹係想講，我有盡力對佢好😥
不過去完旅行之後，我發現我真係冇辦法頂得佢順了，佢每日不是在吃，就是在吃的路上，體脂率已經迫近40%，體重100kg。
就算唔講外型，淨係講呢種生活模式，我都覺得好難磨合，全日基本上就浪費時間喺度不斷食食食…完全冇乜點做有意義嘅嘢……😥 去旅行期間，我日日俾佢嘅食量震懾，我係嚇到焦慮，導致心跳率提高咗好多（我戴住手錶check）。
總之，旅行返嚟之後，我第一件事就係唔想再見到佢了…返嚟嗰晚我已經唔想佢跟我返屋企，但我係咁叫佢返自己屋企，佢唔係好理，有少少半逼住我嗰晚同佢瞓😥 第二日佢先離開，後佢再好似平時咁約我，我就不斷推，然後搞到成個幾月冇見….我唯有主動同佢再次坦白我嘅感受，以下我開放俾大家睇我地嘅分手message😅
大家留意，我係完全冇提及sex嗰方面嘅問題，因為嗰度係涉及到佢硬件上不能改變的痛😅 而且成件事係心平氣和，只係真係指出我認為大家長遠唔夾嘅位喺邊…
大概就係咁…同佢傾左一整個晚上，都係講我覺得大家唔夾嘅位，其實感覺上，好多位我覺得自己似教仔，多過有個伴侶😢
呢段分手嘅溝通係2024年8月尾，之後用咗幾日將佢擺咗喺我屋企嘅嘢送返俾佢…之後就冇再聯絡了
本來我以為事情會就咁完，點知並不是…..大家記得我話過，有人深夜突然闖入我家嗎？
按此看：【真事】凌晨4點被嚇醒 一裸男身影喺我房門口望住我…膽小者勿入…
下回待續…😥
