男友坐牢後⛓️我有過幾多條仔?😆第六篇: 性病檢查 (附報告)
Added 2025-07-16 17:42:58 +0000 UTC⛓️ 按此重溫第一篇：恐怖情人⛓️
⛓️ 按此重溫第二篇：難兄難弟⛓️
⛓️ 按此重溫第三篇：自我強姦⛓️
⛓️ 按此重溫第四篇：兩日三個⛓️
上一集講到，我2022年左右識咗一位P先生，並且俾佢嘅誠意打動一齊咗。可惜嘅係 :
1. 佢同追我時嘅人設有出入，例如經濟上一開頭present到old money咁，佢亦喜歡高消費，而我一直係同佢AA+互送禮物嘅。但原來，佢只係鍾意扮，佢冇家底又搵唔多，就算AA，我覺得呢種消費對佢嚟講都好唔健康，係一種理財不善。
2. 精神層面上我哋唔係好溝通到，我重視嘅議題佢冇能力去討論
3. 佢越嚟越唔管理好自己嘅身材，暴飲暴食，有時我見到佢嘅食量都好驚。扮做gym，其實係去打卡之後坐喺度，令自己體重飆升到接近100kg，亦同我做唔到好多活動。我係一個好重視做gym、運動嘅人，佢對運動嘅態度真係令我好厭惡…而且本身鍾意佢，都係因為佢對我好+外型OK，所以忍到其他唔夾嘅位，但連外型都唔OK嘅話，真係好難搞….
4.Sex真係太唔夾，無論係精神、肉體定氣氛，我都覺得係難受多過享受。佢本身個器具、技巧都已經強差人意，個肚腩變到好大之後，講緊係肚腩突出過條小香腸好多…做嘅時候，入就入唔得好多，但個肚腩就不斷頂住同埋拍打我，令我好唔舒服，又因為太重壓住我，令我覺得好辛苦 I can’t breathe ……有時做完搞一大輪，我冇咩舒服嘅感覺，甚至有啲唔舒服，之後仲要痕……
於是，2024年1月左右，我自己走咗去做性病檢查。2022年識佢之前我都做過，嗰時我係clear嘅。結果，2024年1月我係檢測到有一兩隻陰道常見菌多咗少少，所以導致痕，沒有性病，沒有感染，沒有念珠菌。然後我又有叫佢去做。
奇怪嘅事嚟啦，佢去檢查，結果係有我冇嘅性病？？？我嗰一兩隻常見菌佢都有，但奇怪嘅係，除此之外，佢比起我仲多咗好多各種菌同埋病🦠😵 以下係佢當年嘅驗身報告：
問題就嚟啦，我有食藥，所以一開頭都係♻️環保人士嚟嘅🙏🏻 但後來，我實在覺得同佢做嘅性價比太低，做嗰陣又唔舒服，做完又痕痕痛痛，所以都多咗破壞地球使用矽膠，但極少時候都會唔用…咁點解釋呢啲菌佢有我冇？
大家搵唔搵到原因？諗唔諗到點解？
其實我覺得佢係嗰啲好愛我，擔屎都唔偷食嘅人，亦都冇呢個必要偷食，我哋嘅溝通都非常透明。所以我自己綜合咗一啲原因。
1. 佢偷食 😂
2. 佢本身就係有病，傳染咗俾我，但因為我同佢一齊嘅時候身體差，周不時都會病，醫生會開啲general嘅抗生素俾我，然後啲抗生素幫我醫好埋佢傳染俾我嘅性病。
3. 其實我當刻都係有嗰啲病，只不過我抵抗力發揮作用，所以自己好咗啲，或者個病毒量好低，所以檢測唔到。
我個人就覺得（2）係最有可能性。
不過 (1) 都唔係冇可能，因為我其實喺2023年11月同佢短暫分開數天，係我提出分手嘅，原因係我文章一開頭我所述嘅各種不合。咁我就冇去識新嘅人嘅，我就唔知佢啦，但我估計佢都冇，因為佢非常努力求復合，最後我都心軟應承咗😂
其實同佢11月分手嘅時候，我都食唔安、瞓唔落咗幾日，都好傷心😂 我提出只係因為覺得，大家長遠都唔會夾，長痛不如短痛，我唔係完全唔鍾意佢，亦都唔係識咗新嘅人。
然後12月嘅時候，我其實又想同佢提分手😂 但嗰時佢咁啱因為就嚟聖誕節，送咗一條 $12000嘅頸鏈俾我😂 我收到其實都覺得幾靚幾開心，日日戴條頸鏈，然後就唔好意思分手😂 不過我一星期後聖誕節當天，都有買返部iphone送俾佢，大家係當打和嘅😂 只係想講返，我心理係唔鍾意「佔人便宜」😂 但其實收禮物根本唔係佔便宜，人哋梗係覺得我值得所以先會送。
講返性病嗰度。所以到底係咩原因呢？有冇人可以猜度下？不過，最後我都選擇冇去深究，繼續同佢一齊，但其實對佢嘅不滿已經逐漸升溫，越嚟越嫌棄…
下回待續…
