emiliawyk

男友坐牢後⛓️我有過幾多條仔?😆第五篇: 修心養性

Added 2025-05-04 17:01:07 +0000 UTC

上一篇講到我經歷咗一段fuck girl時期，其實都不過係大概三個月嘅時間，期間可能約會過10幾個人，發展到少少嘢出嚟嘅有6個人咁啦😂 其實話多唔多，話少唔少，但對我嚟講係好大啟示㗎啦，之前都寫過一篇文，大家有興趣可以睇返呢篇➡️ 講我fuck Girl時期嘅領悟

咁嗰6個人之中，其中有一個我三年幾前喺呢度都分享過嘅➡️ 大家睇吓係咪好有誠意先 …就係佢嘅誠意，最後令我淪陷，修心養性😂

不過當時呢個post，我冇分享一件事。其實晚飯之後，我係有同呢位P先生試試佢嘅🫨🚗 但只能夠話，真係好強差人意…🙂‍↔️ 我當晚係有啲失望，甚至係傷心😩 無論係情趣/氣氛/嗜好/物理上/動作上，我都唔係好享受件事😅 始終大家有感情，我唔講太多攻擊嘅說話，總之喺肉體方面，我認為只係佢得到滿足，我係嚟湊人數嘅😂

咁當時大家都冇任何commitment，我嘅如意算盤係：繼續做fuck girl，同呢位P先生就類似拍拖咁，當然都可以XXX下，但要滿足，我都會搵返其他我認為比較合適嘅人😂 （嗰啲人有位再講😂）

如是者我哋維持咗呢種關係一兩個月，我一直喺佢面前都唔避忌，繼續放個app喺度，由得啲noti彈出嚟，然後又繼續日日去探監咁。咁我諗都好清楚我唔係想要啲咩exclusive嘅關係。

期間佢對我真係好好嘅，最主要係佢好細微咁樣觀察我嘅需要，例如：我同佢出街唔見咗個dior銀包，下次見面佢就買咗個同款不同色送俾我；我胃痛嘔，佢返緊工，foodpanda 一杯$20嘅薑茶過嚟俾我，運費要俾$42😂 仲有平時安排約會節目等等，都好妥當，情緒價值又比足😂 見到我嘅時候，基本上24小時扯旗😂 不斷覺得我好正，而且毫不吝嗇咁樣不斷表達😂🫰🏼我係好鍾意呢種不斷嘅attention、稱讚、肯定🫰🏼🤍🥰

當然，我呢啲AA女嘅心態係唔會俾佢蝕嘅，個心成日好驚虧欠人，所以佢送嘢俾我，我都會送返嘢俾佢：佢送$幾千蚊Dior銀包、Dior戒指俾我，我就送返$幾萬蚊嘅Dior袋俾佢😂🫰🏼

去到某一天，大概就係我哋識咗兩三個月之後，喺我張床上面，我哋撳緊電話，佢無啦啦攞起我個電話，話想我delete咗個交友app😂 然後佢就着手delete咗😂

當時我係接受嘅，我覺得，佢都真係對我幾好幾有心，好有誠意咁樣追我🩶 我睇在佢誠意嘅份上，可以試吓放棄性福嘅，可能我真係有情飲水飽呢😂

唔係講笑，我同佢XXX嘅時候，可以稱得上係冇咩感覺，感受到正面感覺嘅時間唔知有冇10%，有時甚至係有負面嘅感覺😓 即係精神或肉體上都冇點舒服到，但事後就有少少拿拿地、痕痕地、乾乾地咁😅

就係咁，我同佢拍咗拖兩年幾，一啲約會嘅細節或者開心事，我之後再補充。期間我真係完全修心養性，沒有任何出軌或者作出軌嘅行為，冇玩app，有人撩我都唔會理，咁。我認為有承諾就要好好兌現，啱嘅時候就要好好去愛，唔啱就分開，最多之後先識新嘅人，唔好出軌🙂‍↔️

去到某個位，我發現大家嘅分歧真係越來越大，例如佢同一開始嘅人設真係太唔一樣，我以為佢本身經濟OK，可以同我生活嘅質素睇齊，但其實佢只係肯使錢去消費，又唔會太儲錢，喺我角度係一種理財不善🙂‍↔️ 佢人工並唔係好高，亦冇咩屋企經濟支撐，同我過一樣質素嘅生活，去食好啲、買下名牌、去吓旅行etc，就算我哋大家俾返自己嗰份，相對而言佢都係吃力，不過佢覺得冇咩嘅。

價值觀上，好多嘢都唔係話好夾，一開始都仲可以靠佢對我好好、好有誠意搭救。但係相處耐咗，好多嘢例如性別議題、政治，一啲深入少許嘅話題，我同佢根本討論唔到。我表達過呢種不滿足，然後佢話我可以教佢…..ai，即係都唔係一個對等嘅討論基礎😩😂😓

然後就係sex嗰度。長期訂閱我patreon嘅寶寶，或者啱啱新訂閱但睇返我之前嘅post，都知我性冷感咗好耐😂 其實就係因為同咗佢一齊，我一個咁淫底嘅人，慢慢變到對sex越嚟越冇興趣，甚至係冇咗個慾望。首先精神上，佢係唔太接受任何刺激嘅行為，例如我着全新黑色網絲，外面淨係加件大褸，高踭鞋，喺戲院撩佢，佢只會勁緊張；我喺公眾場合拉埋佢一邊挑逗佢，佢會好怕；喺屋企我用着住黑絲嘅腳套弄佢，佢話太刺激頂唔順；even講緊只係喺廁所度試吓做，佢都會話唔鍾意，因為喺張床上面舒舒服服，校暗晒啲燈，準備瞓覺嗰種mode佢先最享受。總之下下都要好似臨瞓覺咁佢先安心做🙂‍↔️ 我叫佢侮辱吓我，問佢我係咪佢嘅私人飛機杯，佢會話：我唔准你咁講，我好尊重你😂😂😂😂😂

總之精神上我得不到滿足，肉體上我認為都係佢滿足為主。佢啲動作都比較生硬，都唔緊要，可以我做主動，但凡係我做主動嘅動作，佢都會話頂唔順，唔俾我做……然後無論係任何動作，邊個主動，我都係冇咩感覺……久而久之，我同佢嘅XXX生活對我嚟講就好似美沙酮咁，慢慢我就變到咩慾望都冇晒😂

冇慾望都算，我發現長期冇好好滋養，我甚至係會唔舒服，例如陰道變得乾澀痕癢同埋痛，啲荷爾蒙奇奇怪怪😂 當然冇慾望，都係會照做嘅，講緊一個月點都三四次，但每次我都係冇咩感覺，好似交功課，然後又會有少少痕痕痛痛咁，得佢舒服，要等佢瞓着咗，我再自己解決，總之呢個活動由我本身好enjoy嘅一件事，變成一個麻煩多於享受嘅事😓 其實如果佢願意俾我去搵SP，我哋可能可以一齊耐好多，不過我哋傾過㗎啦，總之佢唔接受……

下回繼續….