emiliawyk

男友坐牢後⛓️我有過幾多條仔?😆 第四篇：兩日三個

Added 2025-04-03 17:05:08 +0000 UTC

話說而家可以AI改圖，我直接將我啲相變成吉卜力風，咁咪唔使打格整嚟整去😂

上一篇講到我當年第一次玩app、第一次約人出街，就喺精神狀態不穩定嘅情況下，盲中中同人上咗房，之後因為接受唔到，仲panic attack咗8小時🙂‍↔️ 回想返都覺得觸目驚心🙂 因為我自16歲開始拍拖，10多年一直都用好認真嘅態度看待性，一時逼自己改革，又戇居居咁，精神壓力就爆煲了😅

但精神病發係無阻我繼續改革嘅道路😂 隔咗幾日，我就繼續第二次、第三次、第四次約會，約唔同嘅人出街、食飯、吹水。

有咗第一次嘅精神經歷，我之後都好小心，亦好振作：我依家知自己未ready，所以都淨係同人出下街，唔會rush要發生咩關係。（其實我本身都無rush，但無抗拒rush，因為心中有疑惑同焦慮，個人站不穩…）

呢段周圍約會嘅日子持續咗大概3個多月，吃飯以外，約會活動包括：逛海傍、遊車河、一齊放狗、rooftop bar等等。我match到/like我嘅人係好多，淨係like幾日都過3500😂 但真正約到我出嚟嘅，我剛剛數過，原來得10個😂 已經計埋第三集嘅P先生😂 乜料😂 完全不是我想像中的多😂 當然，當中幾個人淨係約過一次，唔啱，另外一半人有約兩次或以上。如果有去到第三次約會，我就會想試車，測試吓佢哋實力先，費事等陣中伏，浪費時間😂

於是，有一段2-3個月左右嘅時期，我係keep住有3-6條仔喺我身邊，成個後宮😂 有試過晏晝date完一個，佢送我去第二度，但佢唔知我係去約另一條仔😂

最狂應該係兩日三個…..搞到發炎❤️‍🔥😂 發炎嘅原因唔關狂事嘅，應該純粹嗰期去太多沙灘😂 有日晏晝同一條仔約會完，上我屋企激戰完一輪，條仔夜晚就走，一般嚟講，講我好少俾啲冇名分唔太熟嘅男人過夜😂 去到凌晨，有個friend打嚟，佢知道我嗰期改革開放，然後佢咁啱就話好需要emotional support，可唔可以飛的過嚟搵我，佢仲話只係想攬吓，唔需要發生啲咩😂 咁佢都180+ 同埋靚仔嘅☺️ 我話可以😆 之後佢就即刻過咗嚟，最後我都強姦咗佢(?)😂 可以click呢篇文重溫我同佢嘅事：好相處、外形99%我的菜，但絕不會沉船的一個他。

第二日我出去荔枝角探監，仲車埋佢出去😂 探完監，就有第三個男人喺荔枝角收押所門口等緊我，接放學😂

雖然兩日三個聽落好狂，但我整體又唔係真係話同過好多人喎😂 都話，嗰期約過出嚟嘅10個都冇，真係有發生過啲咩嘅，得一半都冇。算唔算係濫呢？😂 對比起之前27年只有兩個人，應該係嘅😂 但如果濫嚟講，我又覺得我算小兒科😂 反正我真係要濫嘅話，其實我一日10個都約到出嚟😂 我絕對有能力去到極濫，喺呢個條件狀態下，只係我選擇唔去濫😆 同埋我全部仔仔都篩選過，唔係亂食劣食，我主要係揀身材，要高+大隻，多數人兩樣都有，少數人只有一樣😂

下一篇我再同大家爆料，大致上講吓我食咗點樣嘅仔仔，以及我遇到一個咩嘅人，令我結束咗3個月嘅fuck girl生活，開展咗兩年幾嘅一段專一關係…….