男友坐牢後⛓️我有過幾多條仔? 😆 第二篇：難兄難弟

⛓️ 按此重溫第一篇：恐怖情人⛓️

話說大家睇完上一篇之後，我見唔少人對我位監躉男友作出咗一啲指責或者價值判斷，但我唔希望呢啲分享，變成分是非對錯對錯。對我嚟講，佢的確唔係一個好情人，亦做咗好多對我唔好、對我唔住嘅嘢。但我認為愛情裏面，係無分對與錯，只有雙方願意定不願意，同埋不斷嘅學習。當年天時地利人和，導致到我一直陷入呢段有毒關係走不出，唔能夠只怪對方，因為說不定佢換了個人，大家嘅權力關係會很不一樣。與其論對錯，我會更加着眼喺自我了解/反省，我對佢完全沒有恨，甚至更多嘅係愛，我交代背景完全唔係想論對錯，絕對唔希望任何人怪責某人，更加唔係為咗合理化我溝仔嘅行為😂 只係想分享我個人嘅心路歷程。退一萬步，Even佢係對我好好，好完美，沒有NTR癖，可能故事發展都會一樣，或者不一樣，都不是重點，總之感情嘅嘢，根本唔需要執著對錯，冇錯佢係好會操控人，令我曾經陷入痛苦，但啲嘢發生咗就係發生咗，我都平常心看待，甚至我嘅角度未必係最fair嘅角度，希望大家用一個non-judging 嘅角度看待我嘅分享😘💕

⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️⛓️

我同監躉一齊喺外面嘅7年，對我嚟講有少少似吸毒，又依賴又toxic，好多嘢我理智上都知，例如分開會比較健康，但somehow就係做唔到。

佢坐牢頭一個月，我忙住處理佢嘅事，一邊努力調整自己。當時我每日探監排隊3小時，傾偈15分鐘😅 ，之後不間斷咁面對傳媒、律師、其他社會人士，學習適應監獄狀況、潛規則、張羅各種物品etc，用咗我全部時間心力之餘，我仲要keep住賺錢去support呢一切嘅開支😂 另一邊，我仲出現各種戒癮症狀，精神同生理上完全接受唔到要同男朋友分開，當時嘅狀態真係辛苦到麻木💀 亦都少少解釋到我點解一直不能脫離呢段關係，我同佢分開係會生理性不適，好似戒毒咁😅💀

劉見到我呢個狀態，已經不斷叫我快d搵第二個男人嚟調劑，我反問佢：喺邊度搵？點搵？咁叻你搵俾我睇？

當時我地嘅關係喺我地圈子attention嘅中心，我自己都係一個Kol/網紅，感覺自己一舉一動都被全世界監視，唔想私隱被揭開，就唔可以「亂來」。我無玩過交友app亦唔會想玩，因為覺得開放自己好累、被網絡欺凌得多覺得世人對我都係惡意為主、唔想因為玩app上新聞或者連登，成為我額外嘅壓力。精神狀態衰弱嘅我，亦唔想同外人溝通太多，識新嘅人實在係太攰，要篩選都好廢心神，而我本身已經好攰。再加上多年來我外表open，其實內裡斯文，因為內向同個人嘅道德觀，我同男性一直保持距離……總之，哪裡來的男人給我調劑？😂 師兄，是在搞笑嗎？

記得第一篇嗎？我提及過大學時，都有過唔少條件不錯嘅男生追求，但因為我處於精神迷糊狀態，一直被監躉操控住，覺得冇人會真正鍾意我，嗰啲關係我根本處理不能。其中有一位，K先生，追我不成功後我地一直保持普通朋友關係，咁多年來冇再見過面嘅，但保持喺IG間唔中覆吓story咁。而由於K都係熱衷政治嘅人，而同樣地，佢都要處理唔少朋友入獄嘅嘢，亦會經常出入法庭同收押所，所以當時會同K突然見多咗面、多咗嘢傾。

當時我會諗，如果係同熟人發展關係，我比較能夠接受，因為信得過。於是傾下傾下，我開始帶方向，談及到如果我坐牢，劉一定day 0就會出軌，因為事實已證明我生勾勾佢都多次出軌😹 又講到，我覺得自己狀態好唔平衡，我都想要一個伴侶/fwb/男朋友之類嘅角色喺我身邊扶持我。

喺我嘅鋪墊下，因為我俾晒機會，所以K先生乘勝追擊，問我如果要搵個伴，佢會唔會係一個好人選🤣 當時我仲要傾到深夜，啱啱好訓咗覺，無回應佢😂 第二朝攤咗成晚先覆佢😂

我話，不如大家食個飯先？於是就約咗幾日後食飯😆 我都有同監躉講😂 食完飯後，佢就話車我返屋企，中途我地仲經過海邊，落車望咗一陣海，傾咗一陣有的沒的，傾咗啲咩我唔記得了，總之之後佢就送咗我返屋企，然後仲好主動咁話係咪可以上嚟。

詳情點發生我就唔記得咗啦😂 總之最後就上咗我屋企進行一輪出😂 嗰陣時其實我都覺得幾開心，原因係我7年來，係7年，一直走唔出一段有毒嘅關係，單方面守住個貞操，甚至覺得冇另外一個人可以進入(?)到我…嘅生命😂 嗰刻我覺得自己好似有多少少選擇，唔係一定要困住自己😌

我仲記得輸出完，K先生坐咗喺床邊抱頭，好似好大反思咁，話而家呢一刻好似發緊夢，估唔到竟然會發展到呢個地步，仲話覺得自己好似做錯事😂 我睇到呢個畫面都覺得頗為滑稽😂 心諗，你真係覺得係做緊錯事，你就應該索性唔好做啦😂 做完喺度後悔係咩事呢？😂 定係佢太開心又唔想承認所以扮後悔？😂

Anyways總之呢件事係發生喺監躉坐監不足兩個月後，然後我第二日已經即刻想同佢分享😂 但坐監初期佢仲好多人關注，我每日都安排緊不同嘅人跟住我一齊入去探佢，咁啱接下來嗰三日，我都唔係單獨探，係同佢不同嘅朋友一齊，所以冇得同佢講，只能夠輕描淡寫咁話「前幾日我夜晚終於約咗嗰位朋友啦」😂

三日後我終於單獨探佢，然後同咗佢講😂 佢當時非常驚訝，驚訝個位係我咁快就約得掂，仲跨過埋自己嘅貞操心理關口😂 唔講大家都唔知，本身我個人對sex嘅觀念係相對保守，唔係太能夠接受相對隨便嘅關係😂 但其他人做乜我係唔care，我捍衛其他人嘅自由😂 自由嘅世界係包含保守同開放，唔係剩係得開放😂

不過其實我同K先生嘅關係都一點也不隨便，我哋咁就所謂一齊咗1年幾，期間我哋都只係得大家，並且都會做啲男女朋友做嘅事，包括出去約會吓（不會AA😂）、遊車河、傾偈傾到好深、有咩事第一時間打俾對方，但始終沒有明確確立咩關係。

中間仲有啲搞笑嘅事，可能好顛覆大家三觀，包括我哋會一齊去探監，仲發生過好多次😂 包括我會將我同K先生嘅事，巨細無遺、超級詳細咁寫信寄入去收押所俾監躉睇，監躉仲會睇到好開心、好有性趣，然後有回信，我又再將啲回信節錄返俾K先生睇😅 啲國安人員要逐封信審查，成日睇埋我地啲變態扭曲18+成人分享，分分鐘仲要影印存檔，因為國安案件係特別重視😂 諗吓諗吓，國安咁多撥款都啱嘅，日日睇埋呢啲嘔心18+文學，真係厭惡性工作😂

然後又試過同成班政治相關嘅人一齊出去做一啲而家已經唔能夠做嘅嘢，唔講係乜啦吓，尤其係啲特別日子會出下去咁。咁由於大家都唔係話group得好嚴謹，都會走來走去頗為流動，有時出到一半，我同K先生兩個會無聲無息自己消失一陣，做一陣活塞運動再歸隊😂 之後第二日探監又同返劉分享，段關係似乎扭曲得來又健康😂

有時一班人一齊，啱啱探完監啊、上完庭啊，可能一齊食飯，我地又會好似電視劇咁，喺檯底撩腳😂

回想返，其實呢段關係都只係我嘅改革開放Stage 1，當年嘅我，本身其實又無話特別鍾意K先生，只係知道呢個係一個安全可靠無麻煩嘅option。當然，之後我係同佢建立咗感情，但更多嘅應該係依賴，將我咁多年對監躉嘅依賴、呢段期間巨大嘅壓力不安迷茫，全部投射曬落K先生身上，用佢來舒壓，當然都係一種互相利用。

當時我嘅精神狀態都頗神奇，嗰段時間我表意識將佢視為一個fwb之類，非常樂觀跳脫，我覺得自己喺度享緊齊人之福，經常過度亢奮😂 但其實我潛意識已經當咗佢係男朋友，越來越認真，even有諗過將來（我單方面私下自我幻想😂）會唔會結婚、生仔、一齊做吓生意過美好生活。而事實上，我好清楚我其實係將呢段關係視作一個逃生口，另類嘅一種毒品。大家喺真正嘅意義上其實未必夾、未必夠喜歡、溝通亦係不足，而我哋開展關係嘅原因、大家嘅動機亦非常questionable而且模糊😂 表意識同潛意識嘅不一、對現實嘅逃避、溝通嘅不良、大家共同嘅迷惘…..導致去到後來，我哋關係要完結，我直頭整個大崩潰，去到變咗有精神失調嘅Level 🤡 因為我累積多年真正要處理嘅壓力、心理、精神等等嘅問題，係一直透過呢段關係半逃避緊😅 一失去呢段關係，整個世界就好似崩塌……

呢段關係完咗之後，我就進入Stage 2，即係真正嘅改革開放，真正試吓用app去識一啲新嘅人 、篩選我真正喜歡嘅人出嚟，但因為我係喺精神崩塌嘅情況下做呢件事，過程非常唔順利，加劇咗我嘅精神問題，我仲因此入院數次….😅 當然一出院都係會繼續探監嘅😂 入院嘅時候都繼續接受電話訪問，同記者更新監躉嘅情況😂 並一直繼續經營住patreon、投資等等去搵錢😂 真係有啲癲…😂💀

下回待續……