emiliawyk

情人節慶祝分享💕+洗費計算💰？

Added 2025-02-15 13:36:43 +0000 UTC

話說睇到個post，話情人節係睇仔仔肯唔肯為你洗$3000（見最底的圖）😂 好似幾有道理🤣

我想講，我喺男人身上肯定洗超過6/70萬，我媽一個生日我都花數萬去同佢慶祝，不多但也絕不少，買包包請旅行呢d都基本。我都係付出型，唔會攞人著數，所以我完全覺得自己deserve被用金錢去寵😂 但我值得，唔代表我需要/渴求呢種表達愛意嘅方式，咁講好似好廢，但我覺得節日同喜歡嘅人過quality time，even一齊慳下錢咁，都幾happy🤣

好似尋日咁，我就好happy😂 但花費完全合理，我覺得我哋好醒、好慳錢、好大滿足感😂 首先我前一晚整定蛋糕，因為本來的打蛋器壞咗要買過個，所以連材料花費大概 $500，但啲材料同埋機器都可以唔係淨係可以用一次。

第二日仔仔嚟車我出街Lunch，放住一紮玫瑰喺副駕（$金額不明），好sweet🌹

（留意我哋手上戒指，下面會繼續介紹）

我地去咗某間之前有人喺threads推薦嘅米線，幾好味，兩人埋單$150左右，仔仔埋單☺️

之後去咗睇戲，兩人共$200，仔仔用之前公司抽獎嘅商場現金券俾，等於唔使錢😂 睇戲前行咗一陣商場，仔仔問我有冇嘢想要，可以買俾我，同樣可以用現金券俾😂 但我近期真係完全唔認為我需要任何物質禮物（除了花）😂 有嘅，其實大概看上咗一對dior耳環，但我如果真係有超喜愛，早就自己下單了，別人根本趕唔切幫我埋單😂

加上仔仔其實啱啱先送完一隻戒指俾我（看第一張圖）💍 仲要係參加workshop一齊整一人一對，仔仔埋單我唔知價，我估兩人過千吧，有禮物又有quality time又有意義😽 幾日前的生日又送咗一件旺我嘅擺設，有心思，諗過度過的，我呢排已經覺得被寵爆，勁滿足勁感恩❤️‍🔥

睇完戲，去咗超市買餸夜晚煮飯仔，有酒有生蠔🦪🍷埋單600幾蚊，但由於我有家人送嘅超市禮券，最後我只係俾咗幾十蚊😂 又係等於唔洗錢😂

泊好車，就返我屋企。全日泊車錢我唔知，油錢都不明，我估計$200樓下😂 返到去我煮飯，仔仔幫手備料洗嘢，簡單餸菜20分鐘內就整好。