187cm的配種人夫…附全裸JJ圖…交友app經歷

話說上年8/9月我online咗dating app一陣，之後基本上一兩個禮拜就搵到適合嘅仔仔，然後就offline到依家了😂

上星期，我無啦啦收到之前我ghost咗嘅一條仔嘅msg，對上一次同佢溝通已經係九月😅 佢突然搵返我，一輪嘴講一大堆廢話，之後仲直接send咗佢有樣嘅裸照過嚟俾我，張相都幾爆 😅 實在係莫名其妙😅 但首先我要講吓同佢嘅交流。

本身match 完，傾咗陣覺得唔錯。咁佢外型又OK，高、大隻、樣算靚仔、同我溝通到（打字語言用字phrasing等等會睇得出圈子係咪接近），於是有諗住同佢繼續發展就交換whatsapp。

去到‎WhatsApp ，大家主要都係傾做gym嘅嘢，我同佢都幾乎係日日操，大家互相send下做gym嘅片。

佢有send吓啲半裸爆肌相俾我睇嘅，但絕對唔係啲咩好色情嘅圖，男人嚟講都係啲好普通嘅圖，個重點係佢要show off 吓自己身材😂

佢外型我覺得冇咩好挑剔，最大嘅問題都係一輪嘴有佢講冇人講，唔係好理人😂 我講完一句自己嘢，佢基本上敷衍一句回應，然後就講20句佢自己嘅嘢，令人感覺佢只係需要一個情緒垃圾桶🧐 不過我覺得仍然可以傾一陣，始終都仲係了解階段，有時對方講多啲都冇咩大問題，等我唔使講咁多去Carry😂 而且我又唔係搵靈魂伴侶，只係想搵免費鴨🦆😂

如是者，我哋「傾」咗一個星期，大部份時候都係佢大輸出，好多嘢講。我仲記得最後一個send俾佢嘅message係我影住隻錶，講我啱啱做完Cardio，係星期五嘅大概5pm，然後…..就沒然後了😂

本身熱情如火好多嘢講嘅佢，突然就咁憑空消失咗😂 咁當然我會有少少失望，但未至於失落，始終我手上都大把貨，同埋見都未見過，冇付出啲咩真感情。而且玩app嘅嘢我都睇得好開，唔係沉咗船嘅話我通常都合則來不合則去，唔會上心、唔會內耗。

如是者…我好快都已經忘記咗佢75%，喺度好開心咁溝緊其他仔，到咗三日後嘅星期一……咦？

居然….突然收到佢覆我星期五嘅message，若無其事咁樣直接討論Cardio，彷彿中間沒有無啦啦消失60個鐘😂

一般嚟講，我對人都非常寬容而正面，同男人相處極少俾壓力佢地，正常人可能已經開始不滿/鬧條仔，但我頗有禮貌，因為我都幾有興趣想了解吓佢哋搞咩😂

於是我都繼續勁有風度咁carry個conversation，完全不計前嫌。呢個時候佢先同我講：原來佢係有老婆嘅😅

有老婆？？？？😅😅😅

我嗰刻真係心諗dngf浪費老娘時間😅 我唔會搞有伴侶嘅男人，唔係因為道德問題，而係因為我大把選擇，我又唔會要佢哋嘅錢or承諾，只係需要精神同埋肉體價值，which我索取緊佢哋嘅時候，佢哋同時都索取緊我，佢哋攞到我精神同肉體都會享受。呢種情況下，我點解要揀個有老婆/女朋友/伴侶嘅，去令我有多一重風險，去令我一個咁簡單嘅享受追求變得複雜？

不過當時我並冇即刻收佢檔，因為我有興趣睇吓呢個人想玩乜嘢花樣😂 會俾出啲什麼荒謬說辭😂 於是當日我係有繼續同佢Text，仲極有風度，就係因為八卦😂

所謂嘅同佢text，其實係佢講20句我回應一句😂 總之最後佢嘅說辭係：佢同佢老婆結婚幾年，所有嘢都好夾，外人眼中神仙couple，雖然佢好愛佢老婆，但冇晒熱情。佢老婆日日chur佢生仔，7am校鬧鐘起身交功課，令佢覺得sex冇晒愛、淪為配種公豬、好大壓力。佢俾老婆發現自己匿埋喺廁所打飛機，佢老婆仲因此發癲（佢聲稱），因為覺得佢浪費咗啲精，嗌咗場大交😅

最後佢仲話，佢玩app唔係為咗搵fuck buddy，佢唔會背棄佢老婆，唔會愛上第二個女人。

我嗰刻有兩個想法：

1. 如果佢唔係搵fuck buddy/伴侶，佢就係搵情緒垃圾桶，要搵人一輪嘴去輸出佢嘅精神困擾。

2. 其實佢同時都係搵緊fuck buddy，不過佢唔會開口講出嚟，咁將來就有藉口話「我本身好堅定，係條女引誘我，我都係逼不得已先搞咗佢…」 咁佢就可以自欺欺人😂

不過當我聽完佢嘅所謂故事之後，我好奇心已經得到滿足，中途我都有同佢講，我唔會睇得上已婚嘅男人，亦冇興趣做佢情緒垃圾桶，跟住佢仲要表示佢好想繼續同我傾落去😂

然後我就正式ghost咗佢😂 10日之後佢再搵返我，我都完全冇理佢啦😂

如是者fast forward到上星期，本身我已經唔記得咗呢個人嘅存在😂 點知，我竟然突然收到佢message😂 又唔係我邊個，幾個月冇講嘢，無啦啦話想關心吓我😂 人情上其實我唔想理佢，但喺八卦嘅心驅使下，我又想睇吓佢玩咩花臣，所以應咗佢兩句😂 然後佢又一輪嘴輸出😂😂😂😂

我見佢冇乜花生派，於是就直接打算唔理佢😂

點知50分鐘後，佢無啦啦send張view once即焚嘅圖過嚟😅 當刻我覺得，一定有古怪😂 於是我準備定相機去影低呢張圖😂 不出我所料，果然不尋常😂 係呢張有樣嘅裸照：

（因法律原因 圖片不能展示）

我輕輕評論吓佢副偈：身材幾好、幾大J粗長、幾正，但冇用，第一唔關我事，第二性格行為好turn off，令人非常乾涸😂

收到之後，我立刻同姊妹、仔仔分享😂 本來我覺得流出人哋裸照係唔啱嘅，但佢呢種唔係喺親密關係下，因為信任而send裸照，而係一種性騷擾😅 我本身同佢傾偈嘅嗰個星期，都冇同佢講啲好sexual嘅嘢，亦都冇互相send啲乜嘢裸照。而家已經四個月冇講嘢，突然聲都唔聲，直接嚟張咁嘅圖，根本就係電子強姦、性侵犯、性騷擾😅 同佢一輪嘴輸出講自己嘅logic係一樣，佢唔會理人哋想唔想睇、想唔想知、會否感到被騷擾，佢只係會care自己想講想send想露體😅