露出癖色情電影院初體驗
Added 2025-01-16 06:27:09 +0000 UTC
話說呢個禮拜同仔仔去咗日本🇯🇵 因為睇咗某個twitter串嘅介紹，決定一探喺上野某個東京碩果僅存嘅色情電影院，首先同大家分享下t witter個post，打下底先，之後再寫個人經歷：
呢個博主下集仲有講佢喺戲院裡面同女朋友做埋，其他人喺度又摸又睇咁。Anyways，入正題講我嘅體驗。
當日我同仔仔食完鰻魚飯，周圍逛逛就行到去呢間電影院。其實嗰個twitter都係前一晚臨出發前，先有姐妹send俾我的，plan行程嘅時候冇特別預算會去，不過既然好近我哋晚餐嘅地方，路過就唔拘，本住好奇嘅心入去行吓😽
首先，外面有各種電影海報同時段嘅資料，大概都係幾部成人電影循環播放咁，隨時入隨時出。
踏入大堂，見到戲院外都坐住唔少男人，驟眼睇都係45歲以上，60以上嘅都唔少，已經喺度打量我地，但眼神尚算正常。Reception 旁邊有部自動售票機，好似拉麵店嗰種，入電影院每人要 1700yen，大概$85，簡單操作買好飛，我地就入去電影院。
打開門，裏面都已經有不少人散落不同座位，螢幕播住古早味濃嘅鹹片，低清到我分唔到佢有無打格😂
搞笑嘅係，我地一入去，本身坐大堂嘅叔伯就立刻跟住我地入去😂 好快我地就搵個位坐睇咗，我坐單邊走廊位，仔仔坐我旁邊。然後….10秒內，係10秒內，本身散落四周嘅男人，一湧而至，衝過嚟我地周邊嘅座位，圍住我地坐😂
後排男人挨到好前，前排男人就靠到好後，仲周不時回頭望。仔仔坐我左邊，我見佢開始變得緊張，因為d男人真係個個都極具目的性，好似好期待一啲不知道什麼咁，恰如一班蓄勢待發嘅禽獸🤣
仔仔好緊張，仲緊張過我，佢就好似第一次feel到咁多大叔嘅渴求眼神🤣 而我，就因為有佢高高大大咁喺我身邊而唔怕，而且雖然今次係新體驗，但呢種被大叔圍觀、渴望索取嘅感覺，我咁多年來喺深水埗、油尖旺區行街，都已經慣咗😂
（戲院內的自拍）
我同仔仔一直無動靜，都係好緊張咁望住大屏幕上嘅低清AV😂 其實如果仔仔好享受，我可能都會跟住個flow，因為我都會享受伴侶嘅興奮，但佢明顯頗不自在，加上我自己狀態都不完全自在，所以我都無咩衝動再去搞啲咩落去😂
過咗陣，仔仔無啦啦同坐咗喺佢旁邊嘅年輕人聊起來😂因為對方英文不錯。嗰位男士話，呢間戲院d人日日都會等d couple 過來，然後睇下有無得現場觀賞something 甚至分一杯羹😂 傾咗陣之後仔仔放鬆咗d嘅，不過都話想走，不過此時咁啱就有個啊伯企喺我旁邊嘅走廊，企到好埋，一隻手仲放咗喺我椅背，個頭挨得比較近我，我立刻做出 「打咩」大交叉手勢，勁唔想佢掂到我😂😂 仔仔又以為佢做咗d咩，就又變得無咁放鬆😂
❌❌❌❌❌❌❌❌❌❌❌❌❌❌
之後佢話不如走唄，邀請新識嘅朋友出去食支煙。我話，你千祈唔好😂 我地走就直接走，邀請去等陣大家d溝通又kam，等陣佢以為我地邀請佢3p😂 佢覺得有道理，於是我地就自己走了😂 整個體驗就大概15分鐘吧😂 咩都無做😂
其實我地入去之後5min，係有另一對情侶進場，但佢哋外表+氣質同我地好唔同，無口德咁講句，就係無我地咁吸引咁靚吧，所以d阿叔就算見到嗰pair，都無急於跑過去觀賽，明顯想睇我地多d😂
撇除仔仔唔適應，太唔舒服之外，其實我都少不舒服嘅。露出/做/perform something 俾人睇嘅呢個fantasy，我唔係話完全無，但之前都無真正試過類似狀況。當下最抗拒嘅位唔係做俾人睇，而係嗰d叔伯觀眾嘅氣質實在太猥瑣，去到有點噁心嘅境地😂 有d覺得俾佢哋睇，實在會蝕太多了😂😅 老實講如果隔住個玻璃俾佢哋睇maybe 都可以考慮，但都未必想俾佢哋睇到我d重要部位，而當時接觸實在太近了，而且仲要有機佢哋會認為可以摸/掂/加入，我地要無時無刻警覺住去say no。我相信say no佢哋係不會夾硬來，但要咁警覺都唔好玩，而且如果陣係俾d阿伯掂咗，我都會覺得頗爲不理想，可能會有心理陰影😂
雖然大致上咩都無發生，但都好開心入咗去體驗。趁年輕就係要試多d嘢，但都要喺身心靈感到安全嘅範圍內。如果阿伯們外表、氣質唔係咁猥瑣，可能我地都會放d😂 但今次嘅天地人就未得到配合啦😅😂
