emiliawyk

重踏搵免費鴨之旅！果然試過先知🤣第一次同咁樣嘅男仔XXX真係長知識了！玩app更認識自己☺️

Added 2024-09-03 12:53:29 +0000 UTC

話說最近我download返dating app，又開始約下仔仔，match到一大堆人，暫時只係同一位出過街，然後原來而家嘅我都幾知自己要咩，同兩年前玩截然不同😂

第一位見面嘅match都真係幾靚仔，而且身材好好，slim fit肌肉，所以佢profile冇寫身高我都照swipe。傾偈之後我旁敲側擊問佢，佢話佢171cm，咁我本身係鍾意啲好高嘅男仔（唔係想冒犯矮嘅，純粹個人偏好），以往我約得出嚟嘅最矮都起碼175，大多數都over 180。不過我就咁睇上去都真係幾靚仔，所以決定照試吓。

見面之後，真人同相係有少少落差，冇咁好睇，但整體嚟講都仍然係靚仔唔差嘅😂 2001年出世，都細過我幾多下，不過我自己本身都童顏（巨X），所以冇乜違和感。

個問題嚟啦，佢都真係幾細粒😅我從來冇同過一個咁細粒嘅人date，講真我唔肯定佢有冇170，171可能都已經吹大咗。

喺海灘傾咗一陣之後我覺得vibe都唔錯嘅，於是帶咗佢返屋企😂 sls，我發現我從來冇遇過一個男人會抗拒呢個offer，點解男生都唔會好好保護自己，成日郁啲就跟我返屋企😂

點知，仆街，一入屋除鞋佢仲矮多咗兩吋😀 其實我仲肯go on，純粹係本着人一世物一世嘅心態，想試吓矮仔，反正佢係樣靚身材正嘅矮仔，令我諗起MC😂 我之前真係從來冇試過，最矮都175。

大家唔好怪我喺擇偶方面有呢個要求，因為我自己本身都已經好L矮，所以我本能上自然想搵一個高大嘅伴侶，一方面感覺出街可以保護我比到安全感（我自己出街簡直係黐線佬磁石），另一方面喺繁殖角度睇，如果高啲就係優秀啲，咁我都會想搵優秀小小嘅基因繁殖🤣 或者有人會話，你咁矮憑乜搵個高嘅（從來冇人咁講過不過假設性😂），係咁嘅話我會回應：唔好理，我大把高嘅男仔溝😂🙏🏻 反正我大波可愛，聰明伶俐，善解人意，啲男人見到我細細粒反而仲鍾意，仲話會想一手抱起我🤩😜

喺我屋企warm up咗一陣之後就入正題啦，點講呢，成件事就冇乜唔好嘅地方，但就冇乜特別好嘅地方😂 而且，我真係好唔習慣同一個咁細粒嘅人intimate，雖然佢身材真係好好，個樣亦都係靚仔，但佢一同我黐埋少少，我就覺得佢真係好細粒，冇俾到一個好man、好overpower到我嘅感覺我。雖然一身肌肉本來應該係好man，但骨架太迷你，整體個氣質比到我感覺似一個小妹妹/小朋友多啲，令我冇咩性趣😀

身高以外，其實佢其他嘢都同我冇樣夾😂 我好普通咁樣同佢傾偈講一啲好普通嘅詞彙，例如「冗員」「性小眾」佢都唔知點解，仲問我係咪讀中國文學😂 有時我講嘢習慣性夾雜一兩句英文，佢都完全聽唔明要我翻譯😅 但我一心本住搵免費鴨嘅心態，諗住試吓如果肉體交流可以嘅話，我可否撇開佢智力水平、身高唔睇。

經過呢晚之後我發現原來我真係唔得嘅，無論我幾努力試，我都真係冇辦法接受矮嘅男生🥲 唔係我唔想俾機會，而係已經試過但真係不行，骨架太細膊頭太窄，我感覺好似變咗lesbian，抱住一個女仔或者小朋友。於是第二日我就即刻send咗個message俾佢話：「早晨☺️ 我出去做嘢啦～尋晚date都幾開心不過我覺得我哋未必適合所以我都唔再傾咁多啦 byebye 祝福你☺️💪🏻」

之後我繼續玩app，嗰d冇寫身高、寫咗但唔符合我要求嘅，我真係一律唔match，唔會再喺度俾啲咩機會，無謂浪費時間扮大愛，呢啲嘢根本唔需要大愛，自己接受唔到就係接受唔到，沒有對錯。

仲有另一樣嘢我覺得係我今次玩app一大進步，就係一有人喺度問我係咪中大email或者喺度質疑我嘅真偽，我就即刻唔理😂 我根本唔需要浪費自己時間喺度同一個三唔識七嘅人解釋自己、證明自己😂 其實我唔介意人哋問，但我覺得直接問「你真係中大email？」太弱智啦 lol 首先佢都已經接觸到我，仲要用網民幫我改嘅假名去稱呼，我覺得有欠尊重😂 另外，佢咁問，咁我答「我係」佢係咪就會信😂？如果咁就信嘅話都幾唔謹慎，有少少蠢😅 所以最後佢一係就無聊唔謹慎有少少蠢，一係就會打爛沙盤問到篤審犯咁樣審我，都係麻煩人😂 所以會咁樣問嘅我而家唔會entertain，一律唔理😂 如果佢係旁敲側擊，用聰明小小嘅方法去問我我反而冇問題😂