emiliawyk

肉地女友居家系列已更新💕

Added 2024-08-28 12:55:42 +0000 UTC

訂閱左收費tier嘅寶寶們請勿錯過🤍 最近我又睇返一路走來經歷嘅嘢😂 我鍾意影性感相俾人睇，又鍾意講性別議題、用性別觀點切入社會事件去分析😚 關於針對我嘅批評，我覺得好多係邏輯混亂嘅：點解我關注性別議題，部份會覆蓋頗為廣泛嘅女性權益問題（例如偷拍、意識形態上歧視、性暴力等等），然後我就唔可以鍾意影性感相俾人睇？😂 唔可以用嚟收課金？😂

嗰啲攞「物化」嚟指控我嘅人，本身都唔係關注女性權益😂 只係喺想攻擊我嘅時候，先會用呢啲詞彙偷換概念，目的都係為咗打擊我，一位女性，我覺得有啲諷刺😂

「物化」嘅重點唔係將自己變成商品，否則就算你做到李嘉誠，你都係賣緊自己嘅腦、brand、形象、能力，你都係物化緊自己。呢個世界上，只要係一個正常運作需要賺錢嘅成年人，你都係物化緊自己，賣緊一啲嘢。

喺性別嘅理論當中「物化女性」背後係有一大堆嘅背景、前設，包括女性本身係受壓抑嘅群體、缺乏選擇、被代言、無奈只能出賣身體向男性目光獻媚、被當成資源看待、思想不被重視、冇Voice冇平台發聲…..

大家覺得呢個係我咩？大學讀到law嘅我係冇得選擇？講性別議題講到上晒電台、電視、報紙、被香港同海外嘅教授寫落研究、出現咗喺唔同嘅書、學術期刊，係冇平台冇Voice？或者大家覺得呢個背景脈落，真係適合而家嘅大部份人？呢個真係現時social media興起10年+後，每個人隨時發表意見，都可以變成世界知名嘅年代，仲適用嘅觀念？真係喺男女都必須接受免費教育嘅香港仍然嚴重嘅問題？

物化只係表徵，本來係冇問題嘅一件事，只係如果一個群體本身飽受打擊，物化就係打擊嘅呈現，同時加深打擊，互為因果。

我認為社會上仲有好多守舊嘅觀念，係壓迫緊女性，例如對性侵犯責任誰屬嘅迷思、特別喜歡對女性評頭品足、家庭工作嘅分工唔公平、某啲對貞節嘅執着等等。但隨着社交媒體興起、女性變得越來越有經濟能力、社會風氣嘅改變，好多嘢都已經變得唔一樣。例如男人同樣係會遭受大量評頭品足、我哋共同努力令到思想進步、法律改革，正常人（唔係極端仇女人士）而家好多都了解到責怪受害人嘅問題。

唔係話而家冇性別嘅問題，而係每個問題你必須要睇清楚脈絡，唔可以學咗一個單詞例如「物化女性」，然後見到有人例如我拋個身出嚟，講吓「性解放」，去到攞到嚟賺錢，就直接連繫兩件事，而完全抽空個人因素、背景、呢啲觀念背後嘅精神係咩。

不過其實我都睇化咗，人哋思想嘅嘢只能夠慢慢教化，冇得強迫，亦都冇得強求😂 其實甚至我都唔care其他人係點諗㗎la，唔係講緊對我嘅睇法，而係所謂嘅社會風氣，我而家都費事去好用力咁做啲咩去改變，反正都講咗咁多年，而家又有咁多後起之秀（應該係）而且我主要嘅平台都收皮（呢個就真係打壓啦😂），我仲要兼顧好多嘢例如政治上各樣，都好疲憊😂 需要休息一陣🤍