emiliawyk

浴室全裸🤍 看清我的腰臀比例？

Added 2022-03-06 16:01:28 +0000 UTC

話說一直以來，我都覺得自己條腰算係粗嘅，亦都聽唔少網民形容我係虎背熊腰、水桶腰嗰啲啦。我覺得我條腰係粗，不過我唔介意，我覺得粗只係一個形容詞、係一個狀態，唔代表我個人好或不好、美與不美。就算我身形所謂「唔靚」，我仍然都可以努力活得開心自在，有目標有主見有成就～～

但係，大家都知我呢半年開始健康生活，留意多咗同健康相關嘅資訊，仲唔小心清減咗少少。唔知大家知唔知道乜嘢係「腰臀比例」？即係腰圍除以臀圍所得出嘅數字，基本上數字越細，就代表你腰臀S曲線越明顯，如果數字越大就代表腰越粗。好多plus size model可能條腰就咁量度，數字係好大好粗，但係由於臀部更加大，S曲線好明顯，所以可能腰臀比例數字都會細。

同時，數字越大通常都越代表內臟脂肪積聚嚴重，會影響健康，所以都要注意。

我一直以為，我條腰係屬於粗嘅，即係肥過香港大部份女仔咁啦。但最近當我睇返數據，先發現原來我即使係之前最肥啲嘅時候，我嘅腰臀比例都只不過係我個age group嘅平均值😅 不單止符合健康標準，原來仲只係港女嘅average😅😅 我呢半年瘦咗少少，個腰臀比例直頭係低過香港平均值好多…😅

可想而知，香港嘅風氣係幾咁唔健康，原來我最肥嘅時候都只不過係average ，就算而家我無論體重、BMI、腰圍、腰臀比例，咁多項指數都係低過香港平均值，仍然每日都會無啦啦有人走過來用好多好多嘅方式去話我肥😅 我睇到並唔會唔開心，只係覺得呢啲人好病態同埋好可笑，我自認係最肥嘅時候，原來好多指數都只不過係average😅

我唔介意用肥呢隻字去形容自己，因為我唔覺得有啲乜嘢問題，但所謂嘅「肥」嘅標準係唔係應該要準確少少呢，如果連身材係屬於平均水平嘅人、健康範圍內嘅人都要被稱、自認為「肥」，而咁多人又對「肥」呢個形容咁負面，究竟要逼死幾多正正常常嘅人呢？😅😅