【心事台】Staycation性感照？又瘦咗？
Added 2021-12-29 14:34:26 +0000 UTC出完呢個post之後，我會連續喺唔同Tier出浸浴嘅Post😆😝 個人覺得自己個身體又唔同咗😄
不過其實我覺得雖然等陣出嗰啲相會暴露啲，但呢張相相對個性價比係比較性感😆 呢張相雖然着晒衫，乜都遮住（等陣嗰啲係全裸），但係性感唔係淨係露幾多😌 我覺得着到好似好正經咁，但係又好似唔小心影到接近走光，但係又未走光，係性感過全裸😆😆
話說我今個禮拜每日都真係太忙，聖誕期間太多社交活動，加上我嘅主要社交平台IG係咁被搞，仲要處理日常嘅嘢咁，搞到我都有成個禮拜冇做運動，對上一次係一個禮拜之前去行山，仲要沒有實行健康飲食😅不過雖然係咁，我都有努力盡量喺日常生活中郁動多啲，例如行多啲路同埋樓梯咁。
我發現，雖然我一個禮拜冇特別注意飲食（仲有好多場合可以係咁食😅），然後又冇做好多運動，但可能我身體好過以前啦，同埋平時都有喺啲細微嘅位增加活動量，所以我竟然冇因為聖誕呢段時間而肥咗，反而好似仲繼續瘦咗😅😅 我覺得咁樣係足以證明，我未做運動之前本來嘅生活真係唔係咁健康，雖然我身體都唔差，但原來係可以好好多嘅😚
最新一次做嘅數據:
我喺九月中，即係我做咗運動之後一個月，有去過度呢啲數據，嗰陣時我嘅身體年齡係…41歲😅😅不過當時其實我已經係感覺到，身體好過未做運動之前好多倍，體能同埋心肺功能都有明顯進步咗，可想而知我未做運動之前，身體年齡係幾咁高，可能接近50歲😅😅😅 而事實上，有時同我阿媽出街，以前真係會覺得我阿媽身體矯健過我🤣 我而家身體年齡跌返去二字頭，真係好開心😆 雖然仲未去到我真實嘅年齡，但起碼真係進步咗好多，用三個月令身體機能年輕咗10幾年🥳 原來每日一小步真係可以變成一大步🥰 原來健康真係唔係從天跌落嚟，同民主一樣，都係要用血汗同埋付出去爭取，沒有免費午餐。
我嚟緊打算休息一陣，又重回正軌。年尾真係特別忙，我好期待2022年我嘅身體又變得更加之好😚🥰
