被朋友篤胸😛❤️🔥
Added 2021-08-29 10:57:51 +0000 UTCPw: duk
咁話說我尋日同中學同學食飯，都識咗佢哋10年以上，食完飯之後坐低傾偈，佢哋突然之間話好羨慕我心口咁好肉，可唔可以篤下😅 其實識咗好耐，亦都真係好熟好熟，所以覺得佢哋咁樣問好好笑😂😂 佢哋仲有話，以前都唔覺我咁大（佢哋中一就識我😂），我咪講返話而家肥過以前好多，中學嗰陣得4X kg而家都已經逼近60🤣🤣
近排都收到好多女仔PM，問我豐胸秘訣。有啲女仔甚至話自己努力咗好耐，個胸仍然冇大過… ai，唔通我努力啲，就會長高30cm變成model身材咩？🥲 其實好多嘢真係基因整定，後天除非做手術大規模咁改變，否則如果用啲所謂「天然」嘅方法例如食下木瓜、按摩嗰啲，都唔會有太大分別，食豐胸丸嗰啲荷爾蒙，首先唔講風險同埋壞處啦，根本冇乜嘢荷爾蒙可以令你大超級多，最多咪半個一個cup😅 最終都係要講天生，本身夠唔夠脂肪細胞（我就好足夠仲好肥添🤣），同埋衣着能否突顯到身材之類。其實如果我唔戴Bra、瞓喺度，望落都可能好平㗎，如果着咗唔適合嘅Bra，仲會有壓扁咗嘅感覺，望落去都會細好多😅
我就覺得，嗰啲天生體脂偏低、平胸嘅女仔，通常都有好靚嘅腰線、手腳相對修長，其實都有佢哋嘅靚。相反，我雖然係有波，但係成個人都有啲似個波，圓轆轆🤣😅 根本都唔係個個人會喜歡，而我都因此遭受好多網絡欺凌人身攻擊😅 淨係睇到我所謂嘅好，而睇唔到附帶嘅唔好，冇得咁個喎～ 每個人都一定有好有唔好，有人鍾意有人唔鍾意，冇得勉強㗎😅 最緊要都係學識調整自己嘅心態，盡量欣賞自己覺得好嘅地方，唔好嘅地方如果真係改善唔到，咁都要學習同佢共處。何況，身材嘅嘢根本就冇一個既定嘅標準一定係好或者唔好。
