著短褲行街，兩邊屁股飛晒出嚟嘅女（我）😅🥲
Added 2021-08-16 10:10:28 +0000 UTC話說周不時都聽到啲人講，話唔知點解啲女要着到條褲咁短，兩個pat pat飛晒出來咁😅 咁其實我覺得人哋着咩係人哋自由啦，as long as都仲係有着衫着褲，符合法例規定，咁咪由人哋想點就點，不過我自己都唔特別會咁樣着，主要係冇研究咁樣嘅褲喺邊度買，同埋唔覺得着喺我身上會靚😂😂
點知，我今日就唔小心着咗一條咁樣嘅褲出街，我都係過咗半日先知，全程成條底褲lace邊飛晒出去😅 條底褲仲長過面褲😂😂 （我第一時間係心諗，嘩，好在今日條底褲都唔肉酸姐！😂）
點解會唔小心着咗呢？咁其實呢條褲我都着過好多次，本身真係唔係咁短，咁但係我啱啱尋晚洗衫+乾衣，今朝早臨急臨忙趕住出門口，就攞咗啱啱乾完嘅衫出嚟着，完全唔知道呢條褲可能因為乾衣，縮咗好多水，繼而變到咁短😅😂 本身條短褲雖然都係短，但係比較正常，唔係成個屁股露出來囉😅
較早前着呢條褲嘅時候：
