emiliawyk

按摩後心口紅曬😅 一日被三人騷擾😅

Added 2021-08-06 16:03:28 +0000 UTC

話說今日又去咗做gym，之後因為夜晚約咗屋企人食飯，中間又仲有啲時間，就去咗相熟嘅按摩店按摩，休息吓仲可以令到聽日啲肌肉冇咁痛，一舉兩得😵

點知行嘅時候，可能我真係生得有啲啲人畜無害咁啦😅 喺街頭行50米就有兩個promotion嗰啲男人截住，話希望填問卷、攞贈品嗰啲，我已經好冷酷無表情地，話咗唔好唔需要，佢地都要照跟住。咁其實我都無乜嘢嘅，人哋打份工姐，追住你佢都唔想😅 點知今日送贈品嗰條友，追咗我40米都算，我話咗唔要贈品、趕時間，一邊望住自己個電話，諗住快啲行走啦，點知仲夾硬塞啲贈品過黎，去到係成包贈品，直接放喺我部電話上面，遮住我玩電話嘅視線，跟住佢放手，逼我硬食佢包贈品😅😅

如果我唔係體諒佢都係打份工，其實當刻都覺得有少少冒犯，已經say咗No，仲要夾硬塞啲嘢逼我要，仲要阻斷我本身做緊嘅嘢…

我果下真係有啲嬲，同埋越迫我，我真係越反感，即刻將佢份贈品丟落去旁邊一個舉牌呀嬸嘅車仔度（其實我真係可以掉落地下，但費事做到咁盡，我心入面真係體諒佢都係搵食）。

我諗住咁樣就擺脫咗佢啦，點知佢執返個贈品之後，竟然都夠膽繼續追住我起碼20米，要我去聽佢講佢公司啲嘢….jm9？😂 一個丟走你嘢嘅人，一個講到明唔想俾你煩嘅人，點解就唔可以尊重下？難道佢覺得，我掉走咗佢比我嘅贈品，我係會繼續想畀佢煩？會就範？

今日短時間內連續比兩個sales煩，第二個重要咁誇張，我真係好驚再遇到第三個，我係驚我會忍唔住發癲鬧佢…我真係好唔想喺大街大巷被逼要發癲，先可以唔俾人騷擾…..

之後就去按摩啦，其實我本身淨係按個背脊、大髀、屁股位置，全程都係趴喺度，都唔知點解按完之後，可能因為師傅都真係好出力，竟然起翻身，成個心口紅晒😂😂😂 就好似圖片咁啦🤣😚❤️‍🔥

然之後我就去咗旺角…點知去到菜街，人都好多嘅，無啦啦俾兩位南亞人士跟咗成條街…🙂 （其實我唔係第一次喺嗰個位比南亞人士跟，上次有一個一路跟着我一路同我講i love you🙂）…. 佢地本身行我前面，行行吓有一下擰轉面唔知望乜，然後就spot 到我。跟住佢哋就停低咗一路望住我行，目光冇離開過我，直到我行過左佢地，跟住就開始跟😑 然後一路喺我後面講sexy sexy….其實嗰陣時都算光天化日，而且周圍都多人…🙂😑

其實我周不時都會着啲背心出街嘅，今日真係唔算特別性感。但我已經綜合到一個現象，就係當我個裝扮比較「人畜無害」嘅時候，就會多啲不同類型嘅滋擾…即係話，我今日紮咗條辮仔、件衫粉紅色配白色好似幾斯文，又有少少性感，啲人就覺得我好似好柔弱咁。但如果我係著得更加暴露，不過係黑色背心、深色外套、着厚底platform黑色鞋…啲人就最多望，少啲騷擾…

性騷擾嗰啲就算啦，不過你話promotion嗰啲，我相信如果我係一個男人，然後高20cm，嗰啲人絕對唔會夠膽咁樣塞野比我囉🙄

所以我嘅結論係，衣着有可能會同騷擾有啲關係，但唔一定係因為性感事，而係要睇返你個人嗰日嘅氣質，如果俾人感覺溫柔斯文，加上又唔係高大、cute cute地咁，嗰啲人就會視你為target…同性感係冇乜直接關係…