小背心🖤 黑還是白？🤍 近況更新～身體數據大公開！
Added 2021-08-02 12:07:04 +0000 UTC最近呢排都成日着背心，最主要係因為天氣真係太熱😂 不過我永遠着背心嘅時候，都好少會除外套，除非真係好熱+附近冇乜人，最主要係我成日都覺得自己膊頭、手臂嘅位置好厚肉（影相就角度睇唔到），但係厚得來冇乜美感（我大髀都係肥，但我唔介意露出黎，因為我覺得嗰個位置多啲肉都唔一定肉酸），所以唔鍾意露出來。
最近終於的起心肝，搵咗個教練同我做吓運動，今日上咗第一堂😃 教練話我啲肌肉量唔係差，體能都唔係好差，不過各方面當然都可以再訓練啦，同埋脂肪超標呢個就梗㗎啦！😂😂
我之前都講過，本身我BMI正常，但係呢一兩年唔知壓力定點啦，體重增加咗唔少（而唔係網民成日講嘅，我依家瘦過之前😂😅）。我而家BMI就over咗1分😂😂 不過其實我都唔係太介意重嘅，我最想嘅係可以手臂、背脊、膊頭嗰啲位置瘦返少少，整個線條會靚啲，至於減磅與否，都唔會特別強求。雖然最好BMI回落返去正常水平，但係而家唔少研究都話BMI唔一定代表啲乜嘢（因為最緊要係體脂比例，但係我體脂比例都高🤣）所以我都是但，總之健康就得啦😂😂 （利申而家都好健康）
BMI over左😂😂
HAHA 勁多脂肪😹😹 唔知如果做多咗運動，會唔會淨係減咗個胸咁陰公😂
今日做咗一個鐘訓練，做嘅時候係少少攰、少少chur，但返到屋企就開始覺得超級眼瞓同埋肚餓😂😂 而家都仲係有啲眼瞓😂😂 不過我一定會更新埋先至瞓，仲要處理VL嘅嘢🤣 太過早瞓，會半夜就起咗身😹
![[チーム]アップルパイ](https://nokimo.com/istorage/54636.jpg)
