點解...
Added 2019-10-26 01:20:32 +0000 UTC點解要特登用啲app去整到自己咁呢...
其實有無人會覺得左邊好睇過右邊😥
我諗唔係每個人都適合落呢種美顏filter，唔係話我天生麗質唔洗美化，而係我用太多呢啲嘢，根本係醜化🙄
作為所謂KOL，用美圖秀秀粉飾下自己啲相當然我係做唔少，不外乎都係P瘦少少條腰呀、p細個雙下巴咁、轉下顏色換個mood等等。但我真係好唔喜歡用嗰啲重手美顏app。
我同frd子影咗一堆左邊咁嘅相，之後有啲無奈，點解要搞一大輪，然後整到自己成個少林足球個趙薇咁，成塊面重新畫過，仲要醜咗😥
其實呀pun同renee 本身都好好睇，好睇過用app影出黎，但佢地唔信😥 我覺得呢啲app好假，假到一個位好似畫皮咁，同埋啲效果唔係個個啱，譬如佢會縮短個下巴，等個臉型cutie 啲，但我本身塊面已經圓，再縮變咗個perfect circle..🙄
當然，我覺得每個人都有自由，去選擇點樣呈現自己，無論係純粹為咗更自信，定為咗做生意都好。但同時，由於我哋被迫活喺社會，每個決定都必定受多個因素影響，根本就冇絕對自由意志，不能夠完全自主。
有時我都會覺得，呢種所謂追求完美嘅風氣唔係好健康，同埋好似冇晒個人特色: 有時見到抖音、或者中國網紅，個個都差唔多樣，啲姿勢身材衣着膚色都好類近，但多數都好唔自然，就會諗，究竟我哋嘅審美觀，是否真係要去到咁極端，係咪真係唔可以舒舒服服咁做返個人。
中國網紅講緊呢種：
除咗修圖，仲有整容。好多網紅個樣，好明顯已經係整到非人性化，或者身材係極端地不合比例，例如牙籤般嘅手臂但籃球般嘅超巨乳，但仍然好多人追捧為美，甚至睇唔出係整，甚至用呢啲標準，走去要求啲一般女仔跟隨，真係令我費解。
類似呢種（唔係針對佢）
有個朋友個朋友，個男朋友曾經因為見到網紅嘅假波，瞓喺度都屹立不倒，成個警鐘咁，就走去話自己女朋友對真波（大）唔掂，甚至責備佢懶。原來佢以為對波係可以做運動練，練到訓喺度都反地心引力🙄🙄 睇住假嘢嫌棄真嘢🙄🙄
總之我心情係矛盾嘅，一方面我覺得此風不可長，另一方面我又覺得人哋有自由去追求自己嘅審美觀，然後其實我自己都會P下圖啦，所以打和啦， Superz😂
Comments
縮頭我都頂唔順😟
Miss Pun
2019-12-20 18:45:08 +0000 UTC右邊靚好靚
Eric
2019-10-29 23:19:12 +0000 UTC
