emiliawyk

KOL 搵幾多？多嘅嚇親你。

Added 2019-03-05 16:39:55 +0000 UTC

KOL搵幾多呢？其實呢條問題係同「明星搵幾多」一樣，都係無乜意義嘅🤣 KOL就好似明星咁，都係sell形象，靠大眾目光/關注黎搵食，咁同明星一樣，KOL都有明有暗，有唔同面向，大佬你劉德華又係藝人、袁晴晴呀Coco（唔知有無人識佢）又係藝人，兩個嘅人氣收入都差好遠啦下話🤣

其實KOL嘅定義真係幾廣。小至一兩千followers 嘅依家都可以接到廣告。

KOL嘅收入來源係咩呢？

- 平台廣告分成（好似youtube/twitch）

- 接廣告（喺KOL嘅ig/fb/yt/其他平台post下product）（可能要同中介分）

- 直接訂閱換獎賞（patreon/ko-fi/many vids/twitch）（要同平台分）

- 直播平台打賞（要同平台分）

- 出席活動（可能要同PR/中介分）

咁等我講下幾個frd 嘅例子。我有一個朋友（24歲左右），佢嘅朋友係有數十萬follow 嘅美容KOL，主要幫大牌子（eg chanel）賣廣告、出席活動等等，做左KOL 幾年。一開始係讀大學時做，為興趣無收入，依家已經去到平均搵50萬左右一個月。一個廣告post喺佢page 要8萬up。

另一個frd子（25歲左右），得1萬左右follow，佢主要唔係靠廣告post喺page，而係靠modelling 影硬照、出席活動等，大概搵10零萬一個月。

呢啲算係撈得ok。

至於其他呀豬呀狗？都係好睇佢點經營啦。一將功成萬骨枯，其實好多所謂KOL，可能係無收入甚至貼錢😂 比如話，去餐廳試食，其實好多只係打個折比你，甚至只係比你叫某個價錢以內嘅食物，超出嘅話要自己補數😂 信用卡優惠仲可能好過呢種😂 有啲中介會派廣告/活動比霉KOL參加，但好多時都係得好少錢😂 其中一間最出名嘅中介，會係比ig 頭8張相平均like數除以二嘅錢😂 （姐係如果你啲post 平均150like，你出一個post 得$75😂），有時候甚至錢都唔出，只係送product，但都會有好多呀豬呀狗參加😂😂 有時候我懷疑，佢地根本唔係想透過呢啲無人識嘅「KOL」賣廣告，而係直接送贈品比佢地向佢地賣廣告🙃🤣

但我覺得做KOL其實係為理想為興趣，搵到錢當然係bonus😚 好似我自己當初無諗住要向KOL 之路發展，只係想宣揚性自主嗰啲嘢🤣 唔係下下講錢嘅😚 我得到嘅遠比錢多，例如幫到一啲迷茫/受傷嘅女生呀、幫到一啲苦悶嘅男生😏 識多左好多人呀、見識多左呀etc 呢啲嘢比錢更重要啦😜