阿程量化交易

【Sharpe > 1.2 納指期貨日內動能交易策略】

Added 2025-06-09 05:37:03 +0000 UTC

近排同團隊研究日內方向性的交易策略，睇左好多論文。先講個重點，就係我地發覺有一篇日內交易momentum文章，有好多地方值得大家去參考，成為一個可以長期穩定盈利的機會會比其他文章的交易策略都高，等陣同大家分享。

講到睇文，分享少少。通常我睇文個陣，一如以往，都會發覺學術論文有一個共通毛病，特別係quant既文章，通常都會忽略交易現實性。第一個原因係因為如果唔忽略現實性，望落去啲數字會無咁靚仔，另一原因就係寫文果個都未必真係有太多交易經驗，所以寫唔出個精粹。唔靜係我，我諗99%同行都係咁諗。

但公平地講，寫文的目的不在於公開個交易策略俾大家去直接抄，反而係學個edge。但點學呢? 好多KOL都點到即止，而度我同大家分享3個重點:

1. 留意文中分享的edge，在未扣除及扣除交易成本後，係咪好大，例如直接由賺錢PNL轉為蝕錢/唔賺錢PNL曲線。如果係既話，個真正既edge其實係黎自睇你點降低個交易成本，亦好明顯已經俾market exploit左。

2. 留意文中分享的edge的capacity是否夠大，e.g. >3B AUM (個數字每幾年轉，要真係行內人睇大fund average pod size去估算)。如果你estimate個edge既capacity好大，咁好可能已經俾hedge fund 用緊，要諗點行先佢地一步，但又唔影響個edge本質，真係唔係講咁易，要好花時間先可以搵到個optimal point。

點搵? 其中一個做法係 Trade-off AUM capacity 帶黎既交易時間限制 with 精準度。即係話大fund用一個策略既時侯，好多時都會為左唔會衝入時間帶黎太大market impact，整衰自己的入市價而寧願慢慢入市，慢慢出市。而個就係個策略既限制。如果，你覺得自己好大機會搵到個edge，可以整到一個高capacity既交易策略，但你又知你好大機會有大fund做對手，你可以做既係將個策略係不減太多edge的情況下，design成必須要係幾分鐘或十幾分鐘就要完成交易 (assume not overfitting) ，變相你係trade off 緊個策略既capacity with more精準度，可以提早front run 你既對手。如果對你自己黎講錢相對大fund會無咁多情況下，其實咁既做法係無咩所謂，但變相你就唔會同hedge fund爭入場，你亦可以ride到大fund入場向相對方向走既升/跌浪。

3. 留意文中分享的edge，apply去不同資產什至係資產類別會唔會都用到。有好多相對低啲liquidity的市場，其實用返一啲developed market的edge係行得通，好簡單，因為少人爭塊肉。

好喇，上面係少少睇文搵/轉化edge的小心得，純粹忍唔住想分享。入今日正題，今日想同大家分享既係一篇叫做《Beat the Market: An Effective Intraday Momentum Strategy for S&P500 ETF (SPY)》的論文。有興趣睇文既可以直接係Google到search，唔難搵到。其實問心個句，大家點解咁多人唔subscribe，要subscribe阿叔個專頁? 因為我唔係篇篇文都會share俾大家，好多文既參考作用未必太有generalized purpose，什至好難有實際作用，分享黎無意義。集中有意義的文，係資訊同AI氾濫既年代，更有價值。

介紹返，我地做test既時侯，發現個策略有好多可以改良既地方，會比文中的績效提高唔少。但先睇睇個策略邏輯先。講明係Intraday momentum strategy，都離唔開一啲break out 就跟方向做trade的concept，而個策略亦唔例外。用既係1 分鐘NQ futures數據，而唔係trade文中的SPY，原因係NQ既波幅更大更好利用黎賺日內momentum，我地會係advanced alpha plan 分享demo codes 及數據。

首先，要break out就當然要計出一個range bound先。篇文定義range bound 做一個叫做noise area既price range，穿左上邊或下邊後再加附合一啲rules後就跟trade。佢個noise area計法係:

Step 1. 計算歷史平均波動：對於每個交易日 t−i（其中 i=1,2,...14, 但我地所有parameter lookback都用80）和特定時間點 HH:MM，計算從開盤價到該時間點的絕對價格變動：

Step 2. 計算80天平均波動 (80個數字可optimize或拆做幾個sub strategies as I said in the past article)：

Step 3. 計算上下邊界：

Step 4. 調整隔夜跳空。為左考慮隔夜價格跳空（如開盤價與前日收盤價的差異），邊界計算進一步調整為：

噪音區間既意義：

情況1 -> 均衡狀態：當價格在噪音區間內波動時，表明市場供需平衡，無明顯趨勢，策略不開倉。
情況2 -> 趨勢信號：
- 價格突破上邊界（藍線）→異常買入壓力，可能形成上行趨勢，開多單。
- 價格跌破下邊界（紅線）→異常賣出壓力，可能形成下行趨勢，開空單。

入市邏輯:

當NQ價格在半小時間隔（HH:00或HH:30）突破噪音區間的上下邊界時，策略開倉：
- 突破上邊界 → 開多單（Long）。
- 跌破下邊界 → 開空單（Short）。
時間限制：半小時間隔執行交易 (HH:00或HH:30)，以避免因短暫價格波動導致過度交易而令塊肉越做越細。

出市邏輯:

平倉時機：
- 交易日結束（16:00）時，所有持倉自動平倉，避免隔夜風險。
- 若價格穿越相反邊界（例如多單時跌破下邊界），則平倉並反向開倉(我地只做平倉，與文有不同之處)。
止損機制：
- 基礎模型：用噪音區間的相反邊界作為追踪止損（Trailing Stop）。例如，多單的止損點設為下穿上邊界。
- 改進模型：引入更嚴格的止損機制，結合當前邊界和成交量加權平均價（VWAP）：這種方式在市場反轉時能更早平倉，減少損失。