法庭 ︳#元朗7.21 時任區議員黃偉賢稱通知警長「鄉事吹大雞」 對方胸有成竹回應「有部署」
Added 2024-03-16 03:39:47 +0000 UTC1️⃣ 【元朗7.21】時任區議員黃偉賢稱通知警長「鄉事吹大雞」對方胸有成竹回應「有部署」
bit.ly/48VcWOa
第30天審訊，林卓廷經過8天作供後終於完成。辯方傳召時任元朗區區議員黃偉賢作供。黃供稱知道部分鄉事委員會主席仍為現任黑社會頭目，又指1997年前有關鄉事大多已「金盆洗手」，但97年後情況有變。黃表示7.21前兩天收到廈村村民指「鄉事吹大雞」。黃將消息告知元朗警區警民關係組的鄧警長，對方聞後平靜、「一啲驚訝都冇，幾胸有成竹」，回覆：「有部署，得㗎啦，有安排。」黃致電鄉事區議員查證，對方指：「冇咩嘢，我哋表吓態啫，警告年輕人唔好入嚟元朗攪事，唔挑釁就冇嘢㗎喇。」黃理解表態指「show quali」、「曬馬」。7.21晚，黃獲居民告知，有黑衫年輕人遭白衣人「唔係好大力，輕輕 fit 佢吓隻腳，好似玩咁樣」，黃認為是「好似『玩馬騮』咁樣嚇吓佢」。其後黃致電警長，對方告知已派便衣到場。
另外，黃表示凌晨1時才到元朗，他目睹防暴警下車後表示「點解咁遲先嚟」，卻遭對方用盾牌大力壓向鐵絲網。及後3個白衣人大叫：「阿sir，我哋支持你！有咩要幫手出聲，我哋而家過嚟打佢哋」，黃向衝鋒車警員求助，對方卻將車駛走。
2️⃣ 【蘋果案】李宇軒指英國登報眾籌餘款供「攬炒巴」等人辦活動、安排見英議員及監察區選
bit.ly/3wTdQgO
第46日審訊，「十二港人」之一李宇軒繼續以「從犯證人」身份出庭作供。李談及2019年7月第二次的眾籌，是有關英國的「中英聯合聲明登報」計劃及相關活動，當時認識了主要搞手「攬炒巴」劉祖廸。據銀行紀錄，該次眾籌錄得餘款約20萬英鎊，李供稱用以支付「攬炒巴」在英國籌辦活動和遊行的開支，採取實報實銷制。部份餘款則用於向「Whitehouse Consultancy」支付顧問費，而該公司曾安排「攬炒巴」等人會見英國國會議員、動用人脈來港監察2019年區議會選舉，並與「香港監察」創辦人羅傑斯持續合作。此外，李指「攬炒巴」等人曾經研究簽署《中英聯合聲明》的新聞圖片版權問題，另一名同案被告陳梓華聲稱可以在與黎智英食飯時查問，「嗰時 for some reasons，我覺得佢同《蘋果》有啲關係。」後來陳告訴李「張相OK喇」，《蘋果》職員亦授權他們使用相關新聞圖片。
