一段關係應該要由做愛開始😌
Added 2021-10-16 16:33:27 +0000 UTC話說之前同一位女性朋友（同我一樣年紀，專業人士高薪厚職）傾開，我哋都覺得整個社會set落嘅所謂「拍拖程序」實在係太過無謂同埋浪費時間😅
首先要有機會認識，然後傾偈、見面、約會、肯定身份、拍拖、搞一大輪再肯定多啲身份、最後先至有親密行為😅 雖然我諗好多現代嘅關係都唔係跟呢個框架啦，但係大部份人應該仍然都係覺得咁樣先係「正常」、「合適」、「好」。
但係我哋兩個就好唔認同😂 大佬，你搞咗一大輪，分分鐘歷時起碼半年，最後發現原來對方不舉/性冷感/早洩/死魚etc咁點算好呢？ 性生活協調，都可以解決好多好多關係上嘅問題，唔夾嘅話段關係好難和睦。
我哋覺得可以傾一陣計大概地了解吓大家基本價值觀先，再睇一睇個外型如果係可以接受，一有啲好感其實就即刻可以進行性相關嘅行為😂 然後先考慮會唔會進一步，例如發展成sp、fwb甚至情侶😄 然後先至開始拍拖。就算做咗情侶，都唔係咁輕言I love you 嗰啲，而係一個好莊重嘅承諾嚟。
可能我哋係覺得，性行為係活塞運動，係好重要但係唔一定代表親密。反而心靈嘅交流、時間嘅交付、真摯嘅陪伴先係最難能可貴嘅嘢，
更加要花好多氣力去磨合、維繫。精神比肉體重要得多，所以更加不能輕易交托，反而性行為係冇乜嘢。
我哋仲發現另一樣嘢，就係我哋覺得適合、我哋有興趣嘅男性（唔係隨便一個街邊會性騷擾我哋嘅阿伯），好多時都比我哋保守，至少口頭上仍然會覺得要跟返「拍拖程序」去做😅 所以雖然我哋口講係覺得個程序係要咁做，但係絕少甚至根本係冇機會實踐😂 仲有，其實要搵到個「傾到基本計」嘅男性都已經好似好困難，我哋又冇乜時間😂 所以最後都係淪為空談，就算阿監躉成日叫我搵返個SP，我都係敷衍佢話搵緊啦搵緊啦😂
有性行為先，定確立關係先，我哋覺得都係性行為行先比較好啲😂👌🏻 不過我哋兩個都冇乜經驗，笑死，證明思想開放唔代表肉體開放，有時啲人成日以為自己好保守，但係又拍拖又分手好多次，或者成日背棄自己啲所謂嘅原則，可能最後實際上仲「開放」過我哋😂😂
Comments
Well said indeed
Chapman C Chung
2023-07-31 23:02:26 +0000 UTC
