emiliawyk

第一次着瑜伽褲出街😚😚 論「摟屌裙」、「𠝹波袋」😚

Added 2021-10-07 12:07:44 +0000 UTC

話說瑜珈褲嘅所謂爭議，其實同「摟屌裙」、「𠝹波袋」呢啲所謂嘅爭拗係差唔多，根本唔係爭拗，就係人哋嘅衣着自由咋嘛😝😚 所謂嘅爭拗，就係源於有啲人會着得特別好睇/性感，而原因都唔係嗰件衫衫褲褲，而係因為佢哋本身身材可以透過呢啲衫褲去突顯到😂 講真，喺街市，都成日見到好多上咗年紀嘅師奶孭斜孭袋，又唔見啲後生仔話人哋淫賤𠝹波，跟住影相放上網？早幾年唔知點解啲大媽都好興legging當係褲咁樣着（有啲類似瑜伽褲嘅效果，但又唔係瑜伽褲咁樣預咗你喺出面着），又唔見啲男人個個性興奮🤣？

當呢啲所謂嘅爭議出現，都只不過係大家想乘機討論下人哋嘅身材，甚至乎只係因為見到靚野所以個人特別受到刺激姐😂 同埋，我又唔同意話着得唔靚就唔應該着，反正唔同人對靚都有唔同嘅演繹，而且人哋着衫出街未必淨係為咗靚，舒服或者實用都好緊要。如果呢個世界係一個屬於女人嘅世界，唔好成日假定女人做嘅所有嘢都係要為咗迎合社會嘅標準，咁就唔會出現咁多無謂嘅terms 啦🤪 好似我以前讀女校咁，就算我哋除晒衫，都冇人會質疑我哋係淫賤或者要勾引任何人😂😂

我最近就買咗兩條瑜伽褲，我已經好耐好耐冇着過長褲，就算冬天都唔着。咁我個pat又比較大，個人又矮對腳又短又粗，咁都唔係嗰種好修長+翹臀，但係我又覺得冇所謂喎。反正我自己着得幾舒服幾開心，而且做運動嗰陣又真係幾合適喎（大家都知我最近呢兩個月開始做運動），着出街又係有另一種style，有啲新意😚 咁所以我都覺得着得幾開心🥳