阿程量化交易

最簡單有效 set 止蝕方法

Added 2024-09-28 09:45:54 +0000 UTC

「今篇文同大家分享我其中一個定止蝕 (Stop Loss) 的方法」 (有埋codes)

一隻股票要點定 Stop Loss 好，唔同人有唔同講法，但點定 Stop Loss 主要都係圍繞以下幾個原則:

1. 好多書都講，當個策略開始失去原本優勢，例如最簡單的是趨勢策略，如果開始見到短期趨勢調頭，就要減低/平晒之前方向的倉位 (當然有機會係 Stop Loss / Stop Profits)，再考慮反唔反手倉。Stop Loss 原因係因為策略顯示隻股票已經開始無力，所以要平倉。

2. 有d人更加general咁建議，當你的資金承受能力到達一定程度的壓力個陣，例如10% 或 20%，咁就set係果個位。哇，其實講完同無講無分別，因為我資金承受能力可以好強，例如如果我係誠哥咁有錢我真係輸30% on 某個size的portfolio都唔驚，但問題係，而個係咪一個好的stop loss條件，係咪長遠對個portfolio好先? 如果唔係既話，其實同我的資金承受能力無咩關係。

3. (今篇文的主題) 如果係睇歷史數據做人，通常的做法就係回測睇返個隻股票係你的策略通常會出現買入訊號的位置，買完貨之後「通常」會跌幾多，我之後再詳講要點選。

而個係基於經驗的一個做法，係啲 traders 經常會問我的老生常談問題，基乎每個相熟耐左的都會問。日子耐左，我就諗到一個容易解釋但又好實用的定SL方法，唔洗同佢地講數因為講講下佢心入面就會媽差我。

我用MSFT做個例子，大家可以看到上述由2010年到2024年的MSFT收市價圖。當中列出了多個 Peak 及 Bottom，意思是一些短期高位及低位。那為什麼要這樣做? 因為上面講過，基於你的策略性質的不同，你可以按自己需要用我以下我講的方法去調節SL。

例如，如果我的買股票策略是當股票破新高或近高位附近買入，那我要為自己的策略定SL的時侯，我會諗，由最高位跌落去一個相對低位的跌幅，大概有多少? 注意，我而度無講係平均跌幅有幾多，因為如果你用平均/中位數跌幅去計的話，你計出來的SL好可能都會好大，去到20%或更多，而個基於傳統的SL理論來說 (即老生常談的跌50%要升返100%先返到本金)，係唔太make sense，所以我唔會選大過20%的 SL。之但係，要點樣為每隻股票定到低於20%的最優化SL? 例如係10% 或 12% 或15%? 大家可以參考以下想法:

1. 首先，而個SL range通常係至少5%起計，因為你唔會想買入左隻股票後，因為隻股票的每日random的波幅而chok走左隻股票。

2. 第二，咁就要睇，要衝量你的策略由買入點起計到相對低點的跌幅有多少。例如，上面的高低位是如何計出來? 答案就係，起點在當一隻股票剛剛創了歷史新高後，由最高位向下跌超過10% (一個相對明顯的股票跌幅)，再一直到下一次股票再創歷史新高。那中間這段路程的最高位及最低位就是相應的Peak及Bottom。(上面我只用到 closing price，最以其實是用最高及最低closing price)

如是者，用我提供的python codes，你可以計出以下的一堆數字:

大家見到Downturn即是由高位到低位的跌幅%，你見到MSFT由2010到2024年，除左3個比較extreme的跌幅結果外，其他全部SL都是20%內，而最接近20%的是18.23%，所以如果你係進取一點的話，你可以set 19%，或者如果你認為隻股票可以分段走的話，例如分2段走，咁你可以再set保守點，例如16 或 18%，今日如果跌穿16%先走一半，等第日去到18%再走埋另一半，拉個平均數17%，變相就保守左唔洗19%一氣走晒，亦唔洗太擔心一野gap down會走唔切。

睇到而度，發現左一個問題對嗎? 我頭先講，上面17個 Downturn results中，有3個係跌得特別勁，而啲無辦法唔早D stop loss，因為可能係個市 / 公司有突發事情而跌得咁勁，重要的是找出一般跌的時侯通常最多跌幾多，咁就可以有個保障 set SL去避輸獲甘，同埋博佢反彈。但問題係，其實，如果你唔係真係要買係最高位，係現實中你亦做唔到買係最高位，因為你唔會知幾時係最高位，通常係你發現出現一個高位的時侯，個股價都已經回落左啲，所以，如果好似上面咁我本身選定左19%做SL，而現在價位已從最高位回落左3%，咁個stop loss咪可以set 16% (19% - 3%)，因為你大概估到正常跌幅下，應該跌19%都幾盡。

而個方法，放係好多有trend的股票係幾work，亦好易明白，可以快速搵到一個唔會令自己損出太多，而又可以博佢反彈的一個 SL threshold，希望幫到大家，係入市後可以容易搵到一個岩自己的 SL 放心位同時博到佢反彈。

Cheers,

阿程

2024年9月 - 第1篇 (操盤心得)